Categories

اعلان

Loading…

خلیلزاد د ناټو متحدانو ته د افغانستان د سولې په اړه معلومات ورکړل

تاند- د افغانستان د سولې لپاره د امریکا ځانګړي استازي زلمي خلیلزاد او د ناټو سرمنشي ینس ستولتنبرګ د افغانستان د سولې د وروستیو پرمختیاوو په اړه خبرې وکړې.

ناټو ویلي چې خلیلزاد نن /چهارشنبه/ په بروکسل کې د دې تړون په مرکزي دفتر کې د ناټو ټولو ۴۱ غړیو او د غوڅ ملاتړ ماموریت په عملیاتو کې متحدانو ته په افغانستان کې د سولې د وروستیو هلوځلو په اړه معلومات ورکړل.

د ناټو سرمنشي ینس ستولتنبرګ په دې کتنه کې وویل«افغانستان لا هم د ناټو د عملیاتو تر ټولو لوړ لومړیتوب دی، او له خپلو عملیاتي شریکانو سره یوځای موږ د خپل دې هدف په یقیني کولو کې ژمن یوو چې افغانستان به هیڅکله د تروریزم د صادرېدو د ټوپ په تختې نه بدلېږي.»

ده همداراز وویل، «سفیر خلیلزاد د سولې د خبرو لپاره حقیقي زمینه برابره کړې او دا مسله اوس د افغانستان د ټولو سیاسي لوبغاړو او همداراز په مجموع کې د افغانانانو د اجنډا په سر کې ده.»

د ناټو سرمنشي د افغانستان د سولې لپاره د امریکا ځانګړي استازي ته همداراز وویل«دا زموږ د افغان دوستانو او زموږ ټولو په ګټه ده چې د سولې خبرې بریالۍ شي. د سولې د خبرو د بریالیتوب یو ضروري شرط دا دی چې موږ ټول همنظره یوو او د سولې د ټینګېدو لپاره ټول ورته لور ته حرکت وکړو.»

د ناټو سرمنشي ټینګار وکړ چې د ناټو تر مشرۍ لاندې د غوڅ ملاتړ ماموریت په افغانستان کې د سولې د شرایطو د برابرولو لپاره د افغان امنیتي ځواکونو د روزلو او تمویل له لارې مرسته کوي.

د افغانستان د سولې د خبرو په اړه د سلامشورو لپاره دا له ۲۰۱۸ څخه په بروکسل کې د ناټو مرکز ته د افغانستان د سولې لپاره د امریکا د ځانګړي استازي زلمي خلیلزاد پنځم سفر دی.

خلیلزاد تر دې وړاندې پرون په جرمني کې د دغه هیواد له چارواکو سره د افغانستان د سولې پر پروسې خبرې وکړې.

769 total views, 1 views today

onesignal_meta_box_present:
1
onesignal_send_notification:
status:
200
recipients:
629

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2