Categories

اعلان

Loading…

د غني – عمران کتنه؛ پاکستان به افغان الوتکو ته خپل فضايي حریم پرانیزي

تاند- د پاکستان صدراعظم عمران خان د جمعې په ورځ په سعودي عربستان کې د افغانستان له ولسمشر سره وکتل او د افغانستان د سولې د ملاتړ ژمنه یې وکړه.

د پاکستان د بهرنیو چارو وزارت په یوه خبرپاڼه کې وویل، عمران خان د افغانستان ولسمشر محمد اشرف غني ته وویل چې اسلام اباد د افغانانو په مشرۍ او مالکیت د افغانستان د سولې د پروسې ملاتړ کوي.

دا په داسې حال کې ده چې د پاکستان د حکومت او پوځ ځینې منتقدان وايي چې پاکستان پر افغان طالبانو فشار راوړي چې د افغانستان له حکومت سره خبرې ونه کړي او یوازې له امریکایانو سره وږغېږي.

د افغانستان او پاکستان مشران د ګڼو نورو اسلامي هیوادونو له مشرانو سره د اسلامي کنفرانس سازمان په ۱۴ مه سرمشریزه کې د ګډون لپاره د سعودي عربستان مکې ښار ته تللي دي.

د پاکستان د بهرنیو چارو وزارت ویلي چې د افغانستان ولسمشر او د پاکستان صدراعظم پر دوه اړخیزو اړیکو او د افغانستان د سولې او پخلاینې پر لارو چارو خبرې وکړې.

د پاکستان د بهرنیو چارو وزارت په خبرپاڼه کې ویل شوي چې د دغه هیواد صدراعظم د افغانستان ثبات او سولې ته د خپل هیواد پر ژمنې ټینګار وکړ.

په بیان کې همداراز راغلي چې پاکستان ته د ولسمشر غني کېدونکی سفر به فرصت برابر کړي چې د دوو هیوادونو ترمنځ سیاسي، امنیتي او اقتصادي اړیکې او د افغانستان او پاکستان د خلکو ترمنځ تماسونه وغوړېږي.

ټاکل شوې ده چې د افغانستان ولسمشر محمد اشرف غني روانه میاشت د پاکستان د صدراعظم عمران خان په رسمي بلنه پاکستان ته لاړ شي. تراوسه پورې اسلام اباد ته د ولسمشر غني د سفر کره نېټه نه ده څرګنده.

د ولسمشر غني او صدراعظم عمران خان د کتنې په اړه د ارګ په لنډه خبرپاڼه کې ویل شوي چې دواړو خواوو پر دوه اړخیزو اړیکوډ د سیمې د اتصال، سوداګرۍ، سولې، امنیت او له تروریزم سره د مبارزې په اړه خبرې وکړې.

د ارګ له خبرپاڼې سره سم، ولسمشر غني د پاکستان له فضا څخه هند ته د افغانستان د هوايي شرکتونو د الوتکو پر تګ راتګ د پاکستان د بندیز ستونزه یاده کړه او عمران خان ژمنه وکړه چې د دې ستونزې غم به وخوري.

1,711 total views, 5 views today

onesignal_meta_box_present:
1
onesignal_send_notification:
status:
200
recipients:
625

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2