Categories

اعلان

Loading…

سپی، لنډه کیسه: لیکوال اجمل پسرلی

پیتر په خپل سپي ( سپایک) نوم ایښی و. دغه زیړ سپي به کال مخکې د کوڅې ټولو لارویانو ته د دروازې له شا غپل. هغه ورځ مې نه هیریږي چې په ګراج کې یې راته وغپل او ډډ غږ یې په تشه خونه کې لور د لوره راغبرګ شو.

نن چې د پیتر کور ته  وروسته له مودو ورغلم. زیړ سپی غلی د دیوال سیورې ته تیر شو، تر پخوا ټیټ راته وایسیده، زما خواته یې بیخي ونه کتل. پیتر ته مې وویل:

-سپی دې څرنګه غلی شوی؟

ده ورنارې کړې:

-سپایک

 هغه زانګه وانګه راغی ده یې څټ وګیراوه:

-ځواني ځواني ده، زوړ شو

سپایک د پیتر له چوکۍ سره کښیناست. جګ ښکاره شو، پښې مې راټولې کړې. سپي یوه سترګه پټه بله رڼه کړه. ما پیتر ته وویل:

-دومره زوړ شوی چې غپلی نه شي؟!

ده یې ژامې په لاسونو سره پرانیستې:

-غاښونو ته یې ګوره

سپی وکوړنچیده، له خولې یې لاړو لیکه وکړه. پیتر راته وویل:

-کتکا لور مې وایي دا سپی د څارویو د ساتني دفتر ته وسپاره نوی سپی به واخلو

سړي عینکي له سترګو لرې کړې، پر سپي یې لاس تیر کړ:

-له دې سپي سره به زه له یانا سره سهار وختي او مازدیګر ناوخته ځنګله ته تلم په کومه ورځ چې دا مړه شوه کتکا ژړل همدې سپي راته لوبې کولې د ښځې له غمه یې ایستلم خو اوس د لوبو نه دی هډوکي هم سم نه شي ژوولی.

په کوڅه کې د سپي غپا شوه، زیړ سپي د دروازې خواته منډه کړه، نابلده سپی پر پنجره اي وره ورغورځیده، سپایک له دې لورې له دروازې سره اوږد وغځید، سر یې پر پښو کیښود.

پراګ

1,210 total views, 2 views today

onesignal_meta_box_present:
1
onesignal_send_notification:
status:
200
recipients:
625

1 comment

  1. انجنیر ګلبدین حکمتیار Reply

    ماشاءالله. دې ته وایي کیسه. بېخي داسې تصویرونه لري لکه خښتې چې یوه پر بله کېږدې.

Leave a Reply

Your email address will not be published. Required fields are marked *

۸