Categories

اعلان

Loading…

سعودي شهزاده د جدې په هوايي ډګر کې د افغانستان د ولسمشر هرکلی وکړ

تاند- د افغانستان ولسمشر محمد اشرف غني نن /پنجشنبه/ د سعودي عربستان جدې ته ورسېد او د دغه هیواد له چارواکو سره یې ولیدل.

د سعودي عربستان خبري اژانس وايي چې د افغانستان ولسمشر ته د جدې ښار په ملک عبدالعزیز هوايي ډګر کې د سعودي عربستان شهزاده او د مکې والي بدر بن سلطان بن عبدالعزیز او یو شمېر نورو سعودي چارواکو هرکلی ووایه.

ټاکل شوې ده چې ولسمشر غني د اسلامي همکارۍ سازمان په ۱۴ مه سرمشریزه کې ګډون وکړي.

د اسلامي همکارۍ سازمان سرمشریزه په مکه مکرمه کې جوړېږي.

ارګ په یوه خبرپاڼه کې ویلي چې له ولسمشر غني سره یو جګپوړی پلاوی هم په دې سفر کې ملګری دی.

د ارګ له خبرپاڼې سره سم، ولسمشر غني به د اسلامي همکارۍ سازمان په سرمشریزه کې د ګډون ترڅنګ د عُمرې حج ادا کړي او د سعودي عربستان له پاچا ملک سلمان بن عبدالعزیز السعود سره وویني.

ټاکل شوې ده چې د سعودي عربستان پاچا د افغانستان ولسمشر ته د پشلمي مېلمستیا وکړي.

1,820 total views, 2 views today

onesignal_meta_box_present:
1
onesignal_send_notification:
status:
200
recipients:
622

1 comment

  1. razmohammed mohmend Reply

    WOW;DOCTOR ASHRAF GHANI WENT TO KAABAA&MAAKAH; respect to islamic honors;
    TALIBS&KAZAI WENT TO MOSCOW( for visit linen statue)

Leave a Reply

Your email address will not be published. Required fields are marked *

۸