Categories

اعلان

Loading…

ویاند ملا | حامد

خوځنده سړی و، څو ځل مې ننګرهار کې د غم او ښادۍ مراسمو کې لېدلی وو، یو وخت مومند خپروندویه ټولنې ته ور ننوتم، ګورم چې د دیني کتابونو پاڼې اړوي، څو مولیان نور هم ورسره ناست دي، د خپروندویه ټولنې مسول سره یې خوږ مجلس لاره، اشنا څېره، رڼې خبرې او فعال ښکارېده.

څه وخت وروسته د همدې خپروندویه ټولنې مسول د الهي قضا امر ته لبیک ووایه، دی یې جنازې ته راغلی وو، وېنا ته ولاړ شو، د ارواښاد نصیر مومند ښه یې یاد کړه، مدارسو او علماوو سره د هغه د اخلاص او مرستو کیسې یې شریکې کړې.

داراک، ذهین او د بصیرت خاوند وو، خپله ټولنه یې پېژندلې وه، ستونزې او حل لارې یې ښې ور معلومې وې، د خلکو وېښولو او دین رسونې ته یې کار ویلي وو، ښه ده چې دا هم یاده شي، خیبر هوټل کې واده وو، نعتونه وو، واعظونه وو، ملا هم راغلی وو، عجیب بیان یې وکړ، ملا ویل مولیانو دوزخ چوک مخابرات ته راوستی دی، ټول واعظونه یې لړمان، ماران دي، دا څه حال دی د دین بشارت خبرې هم وکړئ کنه، زه درته وایم، که غیبت ونه کړي افغان ښځه صفا پرېښته ده، چا زموږ ټولنه کې ښځه غله، فاسده، متعاده لېدلې …، ملا د منطق، پوهې او استدلال خاوند وو، د تلوېزیون په هېنداره راڅرګند شو، دیني مسایل یې تشریح کول او پوښتنې یې ځوابولې.

ملا د سلو کالو پخوانیو مولیانو په څېر د جومات کونج پورې محدود نه وو، عملا سیاست کې ور ګډ وو، د حرکت انقلاب اسلامي مردم افغانستان ګوند د رهبرۍ غړی وو، د علماوو شورا غړیتوب یې هم لاره، د عمر فاروق په نامه د خصوصي ښوونځي بنسټګر وو، په همدې نامه یې د پوهنتون جوړونې هلې ځلې یې هم کولې، علمأ پرې ور ټول وو، د علماوو مدافع وو، د ملي اردو د شهیدانو کورنیو او بچیانو ته یې مرستې راټولولې، طالب اللعمان یې روزل، تل لوکس – نظیف او معطر وو، قیمتي موټر کې به ګرځېد، د ملا نوم پرې ښه ښکارېد، پرېکنده دریځ، نرم خویه، لوراند او سپین انسان وو.

تلوېزیون کې د دیني خپرونې ویاند وو، خبریالان به یې خپل همکاران بلل، ډېر هغه یې نازولي دي، دسترخوان یې غوړېدلی وو، دی روښانه صمیمي سړي به تل په ملي مسایلو کې پرېکنده دریځ نیوه، ملي ارزښتونه او ملي ګټې یې سرې کرښې وې، د لوی وطن په تمامیت مین، د ملي امنیتي او دفاعي ځواکونو پیاوړی ملاتړ کوونکی وو، په وطن مین دی سپین روښانه ملا  پاکستانی مفتي اشرف وننګاوه او مناظرې ته یې را وباله.

د حمل په لومړیو کې کابل کې د ورښتونو هغه سیمې چې په ناپلاني بڼه ابادې شوې، ړنګې او د ړنګېدو ګواښ سره مخ وې، خبریال د راپور لپاره ورغی، ګوري، د ړنګېدو په حال کې یو کور ته ور ننوت، یو کوټه چې نیم ړنګه وه، هلته د دیوال خواته کړکۍ کې قرآن کریم اېښودل شوی دی، را پورته یې کړ، ښکلولو وروسته یې د کور خاوند ته ورکړ، دا قران کریم دلته پاتې دی، مناسب ځای ته یې یوسئ، د کور خاوند خبریال ته کړه، دا خو موږ سیلاب ته اېښی دی، چې مخه یې وا وړي او نور کور را ړنګ نه کړي، سیلاب د الله عزوجل د کلام درنښت ته وکړ، لار یې بدله کړه، خو هغه چې د اسلام په نامه را وتی دی، د الله عزوجل په کور ور ننوت، د وحشت اور یې بل او د الله جل جلاله د کتاب بلونکی یې را نسکور کړ، اخ منبر شهید ملا شهید دی، اوس همدومره وطن ژوندی دی، څو چې پاتې یو افغان وي تل به دا افغانستان وي.

728 total views, 1 views today

onesignal_meta_box_present:
1
onesignal_send_notification:
status:
200
recipients:
619

1 comment

  1. Nasratullah Reply

    ماشا الله
    الله پاک دی وبخښی جنتونه یی ځای شه
    ډير څه په زړه کی لرم ولی مرګ یی ودردولم
    بس رب دی ددین اصلی رسوونکی علما زیات کړی

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2