Categories

اعلان

Loading…

م.م. وايي، طالبان له اسیرانو سره غیرانساني چلند کوي

تاند- ملګري ملتونه وايي، وسله وال طالبان له بندیانو سره خورا غیرانساني چلند کوي او په ډېرو مواردو کې اسیران وژني.

ملګروملتو نن /یکشنبه) په یوه خبرپاڼه کې له افغان ملکي او پوځي بندیانو سره د طالبانو د چلند په اړه مفصل راپور خپور کړی دی.

د دې راپور پر اساس، چې له بندیانو سره د مخامخ مرکو پر اساس چمتو شوی، طالبان له نیول شویو کسانو سره ناوړه چلند کوي، وهي یې او ځینې وژني.

په افغانستان کې د ملګروملتو مرستندوی دفتر یوناما وايي، د دوی معلومات ښيي چې طالبان اسیران په خورا بدو شرایطو کې بندیانوي او پر هغوی جبري کار کوي.

یوناما وايي چې په دې اړه کره معلومات یې په اروزګان کې د طالبانو له بنده له ۱۳ تنو ژغورل شویو بندیانو څخه ترلاسه کړي دي.

افغان ځانګړو ځواکونو د اپریل په ۲۵ نېټه د خاص اروزګان ولسوالي د کلاتک سیمې په شیره کلي کې د طالبانو پر بند چاپه ووهله او د ۴۵ امنیتي ځواکونو په ګډون یې ۵۳ تنه بندیان وژغورل.

خوشي شویو بندیانو ویلي چې طالبانو له ملکي او پوځي بندیانو سره ناوړه چلند کاوه، شکنجه یې ورکوله او ځینې یې وژل.

دوی ویلي چې طالبانو د دې لپاره وهل چې اعتراف وکړي چې جرم یې کړی. ځینې یې په دې خاطر وهل چې ولې یې د حکومت ملاتړ کاوه.

په راپور کې د څو بندیانو په قول ویل شوي چې طالبانو لږترلږه ۱۱ بندیان وژلي دي.

په افغانستان کې د ملګروملتو د مرستندوی دفتر مشر تادامیچي یاماموتو ویلي، له ملکي او پوځي اسیرانو سره د بد چلند، شکنجې او په غیرقانوني ډول وژلو او همداراز د بند د خورا بد وضعیت په اړه پر دغو جدي تورونو ژوره اندېښنه لري.

ټولو بندیانو ویلي چې په زېرزمینۍ کې په تنګه خونه کې ساتل کېدل او د ورځې به لږترلږه ۷ ساعته ورڅخه جبري کار اخیستل کېده.

دوی دغه راز ویلي چې په ژمي د دوی خونې منفي صفر درجه سړې وې او درمل نه ورکول کېدل خو یوازې هغو ټپیانو ته، چې درد به یې ډېر زیات و، مسکن ګولۍ ورکول کېده.

677 total views, 1 views today

onesignal_meta_box_present:
onesignal_send_notification:
status:
200
recipients:
621

1 comment

  1. hamid Reply

    طالبان پخپله کله افغانان او د سړو زامن دي!

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2