Categories

اعلان

Loading…

د حکومت د کار د دوام په اړه د عبدالله په مشرۍ د ثبات او همپالنې ټیم خپل دریځ څرګند کړ

تاند- د عبدالله عبدالله په مشرۍ د ثبات او همپالنې انتخاباتي ډلې د پنجشنبې په ورځ ناوخته په یوه مبهمه خبرپاڼه کې هم د حکومت د معترضو کاندیدانو ملاتړ کړی او هم یې د حکومت د کار له دوام سره موافقه ښکاره کړې ده.

د ولسمشرۍ د انتخاباتو ۱۲ کاندیدانو غوښتنه کړې چې د اساسي قانون د ۶۱ مادې پر اساس د پنځم کال په پای کې د حکومت د کار موده پای ته رسېدلې بولي او ټینګار کوي چې سرپرست حکومت دې جوړ شي او یا دې ولسمشر غني خپل کار ته په دې شرط دوام ورکړي چې له کاندیداتورۍ څخه به تېرېږي.

اجرايي ريیس عبدالله عبدالله په خپله فېسبوکپاڼه کې د خپل انتخاباتي ټیم خبرپاڼه خپره کړې او په هغې کې یې ویلي:

«که څه هم د ملي یووالي حکومت د سیاسي موافقې پر اساس رامنځته شوی، خو څرګنده ده چې د وخت او کاري مودې له پلوه د جمهوري ریاست د یوې انتخاباتي دورې تابع دی. د افغانستان اساسي قانون د انتخاباتي دورې او د ولسمشر د کار د دورې د پای په اړه پوره صراحت لري. د اساسي قانون ۶۱ ماده دوې مهمې او روښانې برخې لري: لومړۍ برخې یې په جدیت او روڼ ډول حتي د ولسمشر د کار د پای ته رسېدا ورځ په ګوته کړې ده. په دوام کې یې دوهم جز تر ټاکلې مودې مخکې د انتخاباتو نېټه تعین کړې ده.»

په خبرپاڼه کې وړاندې راغلي«په خپل وخت د ولسمشرۍ د انتخاباتو نه ترسره کېدا له یوې خوا په عامه ذهنونو او په سیاسي او حقوقي ټولنو کې د ملي یووالي د حکومت د کار د دوام په اړه پوښتنې پیدا کړي او له بلې خوا د ولسمشرۍ د انتخاباتو د کاندیدانو، سیاسي ګوندونو او د دولت د مشرتابه په منځ کې د نظراختلافونه رامنځته کړي دي، چې دغو اختلافونو خلک اندېښمن کړي دي. د ثبات او همپالنې ټیم دا پوښتنې د بحث وړ بولي او د کاندیدانو له یو شمېر اندېښنو سره همږغه دی….»

د ثبات او همپالنې د ټیم اعلامیه تر پایه په همدې ډول مبهم دوام کوي، د معترضو کاندیدانو له لوري مظاهرو او اعتراضونو ته په اشارې وايي چې دا ډول اقدامات بې ثباتي نوره هم زیاتوي مګر په عین حال کې په یوه برخه کې د ولسمشر د واک د محدودېدو غوښتنه کوي.

د ولسمشر غني ویندویانو ویلي چې د اساسي قانون ۶۱ ماده په هغه صورت کې د جوزا په لومړۍ د ولسمشر د کار دوره پای ته رسېدلې بولي چې انتخابات شوي وي.

دوی وايي، د دې لپاره چې په اساسي قانون کې دا موضوع په زغرده روښانه شوې نه وه، د قانون د تفسیروونکې مرجعې په توګه یې سترې محکمې ته مراجعه وکړه او دې محکمې تر انتخاباتو پورې د ولسمشر غني د حکومت دوام تایید کړ.

1,675 total views, 1 views today

onesignal_meta_box_present:
onesignal_send_notification:
status:
200
recipients:
619

1 comment

  1. فهیم Reply

    د افغانستان سیاست دومره مغلقه ده چی گل مرجان غوندی کسان پری په آسانی نشی پوهیدلی. له همدی امله هرشی چی یی په خولی راشی په دی طمعه یي وایي چی شاید گته به ورته وکري. له بیچاره لاره ورکه ده. دی هم غواري شهید شي هم غاري او هم ژوندی کور ته راشي. دی ته وایی بی علمه سیاستمدار

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2