Categories

اعلان

Loading…

له اړمنو افغانانو سره د سعودي د خوراکي توکو مرستې په هرات کې هم پيل شوې

د سعودي عربستان يو دولتي بنسټ (مركز ملك سلمان) د افغانستان د کډوالو او بېرته راستنېدونکو وزارت سره په ګډه همکارۍ د يو تړون له مخې د يو ميلون ډالرو په ارزښت د پلازمينې کابل  په ګډون پنځو ولايتونو کې له شل زره  اړمنو افغان کورنيو  سره د خوراکي توکو د مرستې لړۍ پيل کړې.

يادې مرستې تر دې دمه پلازمېنه کابل او ننګرهار او کندهار کې په ديارلس زره پنځه سوه اړمنو کورنيو ويشل شوي، نن د پنجشنبې ورځ چې د مۍ د مياشتې له درويشتمې نېټې سره سمون خوري د دې مرستو لړۍ په هرات کې هم پيل شوه.

د ياد پروګرام له مخې چې د روژې مياشتې په سر کې  پيل شوې له دقيقو سروې ګانو وروسته  هرې يوې مستحقې کورنۍ ته د پنځوس امريکايي ډالرو په ارزښت اوه  قلمه خوراکي توکي ( اوړه، وريجي، غوړي، بوره، لوبيا، خرما او چای) ورکول کيږي.

دغه پروژه (افطار الصايم) د افغانستان  کډوالو وزارت د سعودي عربستان د يو دولتي خيريه بنسټ (مرکز الملک سلمان للاغاثة والاعمال الانسانیة) سره په ګډه همکارۍ د دې بنسټ  په مالي مرسته کابل، ننګرهار، هرات او کندهار کې تطبيقوي.

تر کابل، ننګرهار،  کندهار وروسته دغه مرستې نن پنجشنبه ورځ  2019-05-23 په هرات کې  پيل شوي او ټاکل شوې چې دې ولايت کې درې نیم زره  “3500” بې وزله کورنيو ته يادې مرستې د يو منظم پلان له مخې وويشل شي

633 total views, 4 views today

onesignal_meta_box_present:
1
onesignal_send_notification:
status:
200
recipients:
618

Leave a Reply

Your email address will not be published. Required fields are marked *

۸