Categories

اعلان

Loading…

د بن لادن وژونکی امریکايي پوځي د افغانستان لپاره د نوې ستراتیژۍ غوښتونکی دی

تاند- د امریکا د سمندري ځانګړي ځواک یو پخوانی غړی، چې ادعا کوي په خپله یې اسامه بن لادن ویشتی دی، وايي د امریکا پوځ ته په افغانستان کې یوه نوې ستراتیژي پکار ده.

رابرټ جې. اونیل (Robert J. O’Neill) د ۲۰۱۱ م کال په مې میاشت کې په ایبټ اباد کې د کاکل د پوځي اکاډیمۍ ترڅنګ اسامه بن لادن په هغه کور کې وویشت چې کلونه هلته پټ اوسېده.

اونیل د افغانستان د جګړې په اړه د باسټن هیرالډ د خبریال د پوښتنې په ځواب کې وویل«دا سخته پوښتنه ده. یقیناً چې د سختدریځې ایډیالوژۍ د ماتولو هڅه، چې موږ یې کوو، ارزښت لري.»

۴۳ کلن اونیل، چې ډېر ځلې د جګړې میدانونو ته تللی، نور لېوال نه دی چې جنګ ته لاړ. دی وايي«دې ته په پام چې ډېر جګړې ته تللی یم، ګڼ عوامل شته چې دا جنګ په مرمیو او بمونو پای ته نه رسېږي. هیله لرم چې بهتره لار پیدا شي.»

رابرټ اونیل دا خبرې یوه اوونۍ وروسته له دې وکړې چې وسله والو طالبانو په کابل کې پر یوه امریکايي شرکت برید وکړ او ۹ تنه افغانان یې ووژل.

د طالبانو په دې برید کې ۲۰ نور افغانان ژوبل شول.

باسټن هیرالډ ورځپاڼه وايي، په تېرو اوو میاشتو کې امریکايي چارواکو له طالبانو سره ۷ ځلې خبرې کړي چې د افغانستان جنګ پای ته ورسوي او خپل پوځیان له دې هیواده وباسي خو دا هڅې تر اوسه پورې بریالۍ شوي نه دي.

د امریکا ولسمشر په اپریل کې د افغانستان جنګ بې معنا او خواشینوونکی وباله.

اونیل د افغانستان د ستراتیژۍ د پرمخ وړلو لپاره تعلیم کلیدي وباله، ویې ویل«یقیناً د ایډیالوژۍ د ختمولو هڅه ډېره مهمه ده خو له دې سره سره خلکو ته د تعلیم ورکړه ارزښت لري.»

1,551 total views, 2 views today

onesignal_meta_box_present:
onesignal_send_notification:
status:
200
recipients:
614

1 comment

  1. یوسفزی Reply

    چنداني ستراتيژي يې نه ده، که ورته خبري زموږ کوم سرتېري وکړي؛ ميډيا به يې نشر نه کړي…. ځکه موږ خپل ځان ته ارزښت نه ورکوو، خو په زرهاوو کیلومتره ليري د یوه امريکايي سرتېري خبري ته پوښښ ورکوو.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2