Categories

اعلان

Loading…

پنځه زره کاله| نورکمال ارشاد

موږ پۀ ویاړ او لوړ سر د نورو قومونو پۀ وړاندې د ځان پر پښتونوالۍ شکر ایستی! (خدایه شکر چې پښتون ننګیالي او غیرتي دې پیدا کړي یو، موږ پنځۀ زره کلن تاریخ لرو! )

موږ چې پښتانۀ یو واقعاً ځینې ننګونو مو پۀ خټه کې اغږل شوي دي، چې پۀ نورو قومونو کې نشته.

ډېر زیات غرور، سرزوري، کینه، نۀ زغم، هغه څۀ دي چې پښتانۀ لۀ نورو قومونو څخه بېلوي، او دې ټولو ځانګړنو ته مو د ننګ او غیرت نوم ورکړی.
زموږ هېڅ پښتون وګړي پۀ خپلو مغزو کې پنځۀ دقیقې پۀ دې فکر نۀ دی کړی چې زموږ د فرهنګ او کلتور ښۀ او بد کوم دي.

پۀ دې مو فکر نۀ دی کړی چې زموږ کلتور څومره لۀ هغه دین سره نږدې دی چې موږ پۀ خلاص زړۀ منلی او څومره لۀ همدې مبارک دین سره واټن لري.

موږ دې ته خوښ یو چې خپل خلک نارینه/ښځینه مو د کلتور پۀ نوم پۀ یوه تنګه محدوده کې اچولي، او که یې هڅه وکړه، لۀ دغې محدودې ووځي، پۀ هغه ټوپک یې پر سر وولو چې د نورو اختراع ده، ترڅو ماغزه یې پاش، پاش شي، یا یې ستونی پر هغه چاړۀ ور پرې کړو پر کومو چې پۀ اخترونو کې غواوې حلالوو، یا یې سر پر هغه تبر ور پرې کړو، پۀ کومو چې پۀ غرونو کې دنګ، دنګ نښتر وهو، یا یې تر کوم پاڼ لاندې وغورځوو، یا یې پۀ کوم بل شیطاني ډول لۀ منځه یوسو، او یا یې پر کومه بله سخته بلا اخته کړو.

زموږ لۀ ملا صېبانو نیولي، تر یو عام فرد پورې خپلې لوڼه لکه پۀ منډوي کې غواګانې یا نور حیوانات، خرڅوي.
نۀ یوازې دا چې پۀ سر یې نوټونه شماري، بلکې هغې معصومې ته یې هېڅکله هم دا خوښه نۀ ده ورکړې چې کله او له چا سره وادۀ وکړي بلکې پښتانۀ ځانونه د نجونو د ژوند واکداران بولي.

دلته نجلۍ بیا هم د هماغه پلار، ورور، ترۀ د عزت د ساتلو لۀ پاره، لۀ ځان تېره شوې، خپل ژوند یې پۀ دوزخ کې تېر کړی، هو شته، چېرې پۀ تصادفي ډول نجونې د ښو خلکو کورونو ته تللې او ښۀ ژوند لري، ولې هغه یې هم کمې نۀ دي، چې لۀ خدایه د تریخ مرګ لۀ پاره زارۍ کوي!

که کومه نجلۍ لۀ دې هر څۀ سره موافقه نۀ شي، د پلار، ورور یا ترۀ تحمیل شوی مېړۀ ونۀ مني، او لۀ کوره وتښتي، بیا یې د پښتو پۀ قانون پرېکړه کوو.
زۀ تر ډېره (پښتانۀ) کلمه پښتنو سړیو ته کاروم، ځکه همدغه جنس د پښتانۀ قانون پۀ نوم تر ټولو سترې ناراواوو کړې، او لا یې هم کوي.

د ورور پښې وهي، تربور یې تر ټولو ستر دوښمن دی، ډېره وړه خوشحالي یې هم پرې غمېږي، که یې پۀ کور کې زوی پیدا شي، دوی یې پۀ بدل کې ماتم کوي!

نجونې ددې لۀ ویرې چې فاحشې نۀ شي، نۀ پرېږدو چې درس ووايي، خو خپله د پردیو نجونو چې مخونه یې پۀ څادري یا نقاب کې پټ وي، حتی پوندو ته یې ګورو.

دا خو د بدو دودونو یو ډېر وړوکی مثال دی، پۀ لسګونه نور هم شته.
بله بدبختي چې ما ډېر ځوروي، دا ده چې زموږ پۀ پلارني ټاټوبي کې پۀ سلو کې اتیا کورونه پۀ خپلو کې دوښمنۍ لري، د همدومره کورونه پر سر د خپلو پښتنو وروڼو د وژلو لۀ پاره مورچلې جوړې شوې.

زۀ چې کله هم هلته تللی یم، یو سخت درد مې تازه شوی، دا درد مې پر ذهن سخت فشار راوړي، زړۀ مې کمزوری کوي او سخت نهیلی شم.

نړۍ پۀ کم وخت کې لۀ اټکل څخه لرې پرمختګ وکړ، نورو سیارو ته روباټونه لېږي، دا د نړۍ د پرمختګ یو ډېر کوچنی مثال دی، خو موږ لا هم د جومات یا کور د دیوال خواته پیتاوي ته ناست او د نورو د نابودۍ پۀ هکله فکر کوو.
وایي، کوم چا ویلي وو چې نړۍ دومره پرمختګ وکړ چې مصنوعي لمر یې هم جوړ کړ!
پښتون ور ته وايي، ډېر ښۀ، اوس به د شپې هم پیتاوي ته کېنو!

موږ پنځۀ زره کلن تاریخ لرو، خو لۀ اویا کلن پاکستان سره سیالي نۀ شو کولی، جاپان او افغانستان پۀ یوه ورځ ازادي اخیستې، نن ورځ د جاپان حال وګورئ او د افغانستان دا حالت ور سره مقایسه کړئ.

موږ ژوند کړی، خو د ژوند کولو پۀ هدف مو هېڅکله ځانونه نۀ دي پوه کړي.
موږ لا هم خوشحال یو چې پښتانۀ یو او پنځۀ زره کلن تاریخ لرو!
خوښ یو چې احمد شاه بابا مو ډیلۍ فتح کړی، میرویس خان مو ایران نیولی، خو موږ ترې نور هېڅ عبرت نۀ دی اخیستی.

یو څۀ چې موږ ته باید ددې اتلانو لۀ کارنامو ورسېږي، هغه دا دي چې د وخت لۀ قوتونو سره سیال واوسو، ترې ټيټ او غلام ونۀ اوسو، لکه څنګه چې دوی پۀ خپل وخت کې پۀ ثبوت رسولې.
پۀ پای کې باید هر لوستونکی دا جمله پۀ پام سره ولولي:
(زۀ پۀ اوس کې ژوند کوم، زۀ باید د اوس لۀ پاره تیار واوسم!)

لیکوال: نورکمال ارشاد، د خوست شېخ زاید پوهنتون، ادبیاتو پوهنځي، پښتو څانګې محصل.

634 total views, 1 views today

onesignal_meta_box_present:
1
onesignal_send_notification:
status:
200
recipients:
612

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2