Categories

اعلان

Loading…

د پالماني ریاست جنجال ته حللاره! | لیکوال: همایون بهادري

څه ماشومتوب و! هسې چې به زموږ د لوبو په جریان کې د یو څه په سر له یو بل سره سرېښ شو، یو بل تر خوله به مو له هرې خبرې سره لاسونه تېر و بېر کول. په دې وخت کې به که داسې درېیمګړی راغلو، چې تر موږ به یې یو څه زیات داسې جنجالونه کړي وو. د دې جنجالي او د شومو تجربو لرونکي به زموږ د جنجال او بدمرغۍ د حل لپاره دوې لارې راته ته ښودلې، خو بیا هم په منلو او نه منلو کې به موږ زیات صلاحیت نه لرو، ځکه ځانګړو شرایطو پورې یې اړه لره.

دا لارې جالبې وې، چې یوې ته یې سرشکونی/سرشکونه ویل او بله یې دا وه: هر هغه شی چې په سره به یې موږ لاس او مرۍ وو، په دوو مساوي برخو وېشل کېده، خو که دا شی به د وېشل وړ و یانه خو موږ به دا پرېکړه منله. ځکه دواړو لارو شرط دا و، چې که ماشومان زیات وو، خبره خلاصه و او په سرشکوني به فیصله کېده. خو که ماشومان نه و نو له شومو او د بدمرغو موخو څېښتن درېیمګړي به زموږ شی د منځه وړلو لپاره دوې برخې کولو.

دویمه لار د سرشکونې وه، دا به د زیاتو ماشومانو په مخې ته تر سره کېده ، لنډه دا چې ددې صحراي محکمې لپاره زیاتو ماشومانو ته اړتیاوه. زموږ لپاره سر شکونه/سرشکونی پرېکړه ښه وه، ځکه موږ ته تر سر مال مهم و. ماشومان به راټول شول او هغه درېیمګړی چې نه زموږ د سر او نه هم د مال غم ورسره و، هغه شی چې موږ یې په سر د نورو لپاره یوه ښه نندار ګرځېدلي وو. هوا ته یې پورته کړ او له پ،رته کېدو سره سم به یې چیغې کړې: هلئ، سر شکونی دی. دا شی به چې هر چا واخیستو، د هغه په سر به بده ورځ جوړه شوه او ټولو به پسې منډې کړې ترڅو به یې چې شی به لاس کې و، د ده په سر کې به هم سرې منګلې خښې وې. له دې افت څخه د خلاصو هم دوې لارې وې، چې یوه یې ژړا او بله یې تېښته صلامتي وه. زیات یې داسې يېښېدل چې شی به یې په لاس کې و او په سرو سترګو به یې ورته ژړل.

خبرې ډېرې سرې یې یو دی. هسې خبرې رانه اوږدې شوې او د اوولسمې دورې د پارلماني ریاست په سر د وکیلانو له یو بل سره سرېښدلو دا هرڅه رایاد کړل او همدا یې ښه حللاره هم ده. یا څوکۍ دوې برخې کړي او یا یې د سرشکونی کړي(!) دا دواړې پرېکړې د پارلمان لپاره ښې او په ګټه دي. که څوکۍ دوې برخې شي، نو رییس به نوی راشي او دوی دواړه به خپل خوبونه پوره کړي، ځکه په نیمه څوکۍ خو ریاست نه کېږي. بیا هم نه ویل کېږي، شوخ-شوخ وکیلان هم شته یو دم جیغې کړي: سر شونکی او په پارلمان کې هئ دنګ شروع شي(!)

د دې پرېکړې ګټه دا ده، د واړه وکیلان سرتنبه ګان دې، چې هېڅ ماتې نه مني. نو که کوم زورور وکیل څوکۍ چور کړه ورسره منډې یې کړې؛ نو په پارلمان کې به یې تر هغه سر پرې وشوکوي تر څو یې ژړلي نه وي.

1,012 total views, 2 views today

onesignal_meta_box_present:
1
onesignal_send_notification:
status:
200
recipients:
613

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2