Categories

اعلان

Loading…

هیله/ اجمل پسرلی

 د ونې تازه پاڼه یې پر رغوي کښیوده، د پاڼې رګونه یې د خپل لاس تر رګو ګڼ خو نري ورته ښکاره شول. پاڼه یې په ګوتو کې وڅرخوله راوڅرخوله. پاڼه، لکه له تاره پرې شوی کاغذ باد، زانګه وانګه پریوته.

د ونې پر زیږه ډډه یې ګوتې تیرې کړې. د ډډه پورته برخه دوې غټې څانګې د لیندې غوندې پورته شوې وې. زړه یې وشو چې د کوچینوالې په څير ورختلی وای، هلته غلی کښیناستلی وای.

د چرګې کغا شوه. زیړې پیشو د دیوال له سره د باغ خواته ټوپ کړل. د دیوال په لور ورغی. سپینه چرګه ورو ورو د غوجل په لور روانه شوه. ده د پخڅه دیوال په بیخ کې له وچې ویالې یو موټ لمده شګه ورواخیسته، پورې غاړه یې د دیوال لور ته رابوټیدلي بوټي پر امسا راکش کړل، د بوټو شاته تیر شو. ځای تنګ و، د ناستې نه و، جامې یې له لمانځه وتلې. د مرغۍ چڼا ته یې سترګې پټې ونیولې. سر یې پر دیوال کیښود. ملا یې وچه شوه. له ویالې بیرته پورې وت.

 د باغ په خوله کې ماشوم په لوړ غږ وخندل، ده لاس پورته کړ چې د هلک پر سر یې تیر کړي. هغه وځغاستل، ور پسې ګړندی شو، امسا یې له لاسه ولویده. د جومات پر چوتره ناست کلیوال رامنډه کړه. امسا یې په خندا ورته ونیوله. ده بد بد ورته وکتل.

کلیوال ورته وویل:

حاجي صاحب مخ دې په خاور سپیره شوی

 حاجي د واسکټ له تخرګ جیبه د نسوارو ډبی راوایست، د ډبي هنداره یې مخ ته ونیوله له سپینې ږیرې یې خځلې لرې کړې.  کلیوال یې شاته په خاورو ککړې جامې وروڅنډلې. ماشوم څيرمه ولاړ و، پر خوله یې غبرګ لاسونه نیولی وو له خندا سره داسې خوځیده لکه ایشیدلې چاینکه.

پای

1,440 total views, 4 views today

onesignal_meta_box_present:
1
onesignal_send_notification:
status:
200
recipients:
614

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2