Categories

اعلان

Loading…

ښځه او زموږ لید لوري | نسیم سبا

عجیبه ده کله چې د ښځو او د دوی د حقوقو اړوند بحث رامنځته کېږي، زموږ کوچني لیدلوري او واړه مغزونه یوازې د ښاري ښځو ژوند ترسیموي، د دوی قواره، قیافه، لباس، سلوک، ناسته او ولاړه زموږ په ذهنونو کې را تاو شي، پروسس شي او په پایله کې د ښځو او د دوی د حقوقو په اړوند یو غلط، منفور او له مذهبي او دیني ارزښتونو څخه لرې یو بد قضاوت هم زموږ په اذهانو کې ځان جوړ کړي.
موږ فکر کوو چې ښځې یوازې په کابل او ښارونو کې دي، په کار دا ده چې په دې برخه کې د کلیو او بانډو د ښځمنو په اړوند هم د څه حقوقو غوښتونکي شو، یوازې په ښارونو او پلازمېنه څلوردېرش ولایته نه شي خلاصه کېدای او نه هم د ټولو ښځو حق په څو محدودو او معدودو هغو باندې ادا کېدای شي.
دا ذهنیت دوه علته لري:
یو دا چې د افراطیت، بې موډه، بې رقمه او د ټولنې له نبض نه په ناخبره توګه شوي تبلیغات دي، چې یوازې او یوازې یې ښځې کورني تاوتریخوالي ته هڅولې دي، طغیان او د کورنۍ د هر غړي له حقوقو څخه یې سرکشۍ ته تشویق کړې دي.
بل دا چې موږ د اسلامي ارشاداتو او روایاتو څخه چې د ښځو او د دوی د حقونو په اړه راغلي، نا خبره یو، ښځې د دوی حقونه، د دوی ژوند، د ژوند هدف یې، ټولنیز مکلفیت یې او نور په لسګونو وجایب یې نه تعریفولای شو او نه حدود ورکولای شو.
همدغه دوه لوی عوامل دي چې موږ تل د ټولنې د تعادل، ثبات او ټیکاو د رامنځته کولو په چاره کې پاتې راولي.
که موږ وغواړو یا نه مهمه نه ده، بلکې واضحه خبره ده چې ښځه یو داسې موجود دی چې هم د ټولنې نیمه برخه تشکیلوي او هم د ټولنې په جوړولو کې ارزښتناک او مهم رول لوبوي.
وګورئ د یوې کورنۍ د نظم، انسجام، ترتیب، تربیې، تعلیم او نورو اړخونو د سنبالتیا له پاره یوه ښځه د نارینه په نسبت څومره اغېزمنه تمامېږي.
دا فورمول په ټوله ټولنه کې په همدې توګه د تطبیق او عملي کېدو وړ دی.
ښځه ده چې خپل بچیان روزي، دالاهو خوږ غږ د لومړي ځل له پاره د مور له خوا خپلې ماشومې او ماشوم ته اورول کېږي.
د بېروني ټولنې سره د ماشوم د عیارولو هڅه د ښځمنو له خوا ترسره کېږي، چې په دې کې هم ډېرې بریالۍ دي.
میندې دي چې د ټول بشریت د تداوم، نسلي تسلسل او د بشري ټولنې د امتداد سبب ګرځېدلې دي.
موږ باید هڅه وکړو چې په ټولنه کې د هرې ښځې سره د مخ کېدو په حال کې د خپلې مور، خور، ترور او نیا  درلودلو سپېڅلي احساسات تازه کړو.
د ټولنې هرې تور سرې ته د خپلې کورنۍ د ښځمنو په توګه د دوی د شخصي او خصوصي حریم د ساتلو خیال وکړو.
هڅه وکړو چې د سالمو کورنیو روزنیزو، پوهنیزو او اغېزمنو مباحثو فرصتونه هم له لاسه ورنه کړو، که موږ روغې کورنۍ ولرو، شک نه پاتې کېږي چې موږ به روغه او سالمه ټولنه هم ولرو، هغه اخلاقي پرازیټونه چې د بېلابېلو ادارو، بېرونیو غیر اسلامي او اخلاقي سازمانونو له خوا زموږ په پاکه ټولنه کې خپاره شوي او یا یې د خپرېدلو هڅه کېږي، نو په اسانۍ سره به یې کنټرول او مخنیوی وکړلای شو.
ښځې د اسلام د مقدس دین په دایره کې مهم ځای او لوړ مقام لري.
په دې هیله چې د ښځو د تعلیم، تحصیل، کورني او ټولنیز حق اداینه وکولای شو  په هغه توګه څرنګه یې چې اسلام لارښوونه کوي.
په درنښت

1,378 total views, 2 views today

onesignal_meta_box_present:
1
onesignal_send_notification:
status:
200
recipients:
615

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2