Categories

اعلان

Loading…

افغان او بهرنیو ځواکونو په غزني کې ۳۳ پاکستانیان ووژل

تاند- د غزني ولایت چارواکي ادعا کوي چې ځانګړو افغان ځواکونو د دې ولایت په اندړ ولسوالي کې ۳۳ پاکستانیان وژلي دي.

د غزني د والي ویندوی عارف نوري نن /سې شنبه/ وویل، ځانګړو افغان او بهرنیو ځواکونو تېره شپه د غزني د اندړ ولسوالي په سردې سیمه کې په کومانډويي عملیاتو کې د ۳۳ پاکستانیانو په ګډون ۴۲ تنه وسله وال مخالفان ووژل.

ښاغلی نوري همداراز وايي چې دا عملیات «د کره اپراتیفي معلوماتو پر بنسټ» د سردي سیمې د لوی ساره جومات په شاوخوا کې شوي او د وژل شویو مخالفانو مړي له وسلو سره په سیمه کې پراته دي.

ده په دې اړه څه نه دي ویلي چې د وژل شویو کسانو په منځ کې پاکستاني اتباع څرنګه پېژندل شوي دي.

وسله والو طالبانو تراوسه پورې په دې اړه څه نه دي ویلي.

تېر کال وسله والو طالبانو د لنډ وخت لپاره د غزني ښار اکثره برخې ونیولې چې په نتیجه کې یې د دې ښار ګڼ شمېر تاسیسات او تجارتي مرکزونه ویجاړ شول.

له هماغه وخت راهیسې په غزني کې د افغان ځواکونو شپني عملیات خورا زیات شوي او د سیمې اوسېدونکي وايي چې په دغو عملیاتو کې، چې ځانګړي ځواکونه یې کوي، طالبانو ته زیاتې مرګ ژوبلې اوښتي دي.

1,308 total views, 4 views today

onesignal_meta_box_present:
1
onesignal_send_notification:
status:
200
recipients:
614

Leave a Reply

Your email address will not be published. Required fields are marked *

۸