Categories

اعلان

Loading…

کامیابه پانګونه | خبیب علي

د پانګه اچونې ماهرانو د کامیابې پانګونې لپاره ګڼې لارې او بېلابېلې ستراتېژۍ راښودلې دي، چې کولای شو د اغېزمنې طریقې په توګه ترې کار واخلو. باید ووایو چې ځینې پالیسۍ او تګلارې رانه تر پانګونې وروسته هم ونډه غواړي، یعنې موږ باید تر پانګونې وروسته هم پکې برخه واخلو او لازم تدابیر ورته ونیسو. خو ځینې ستراتېژۍ داسې هم شته چې یوازې پانګونه غواړي او نور ربړ او زیار ګاللو ته پکې ضرورت نشته. د پانګونې ټولې ستراتېژۍ د ټولو خلکو لپاره یو ډول کار کوي او ټول ترې یو ډول استفاده کولای شي، نو ځکه ضروري ګڼل شوې ده چې تر پانګونې دمخه باید خپل اوسنی او راتلونکی مالي حالت وسنجوو، تر څو په راتلونکي کې له زیان سره مخ نه شو.

په پانګه اچونه کې ترټولو دمخه لومړنۍ خبره دا ده چې د پانګونې ستراتېژي باید غوره شي. د پلان په دې برخه کې باید خپلې مالي موخې روښانه کړو او په پانګه اچونې پورې مربوطې ټولې پوښتنې له ځانه وپوښتو، مثلا: پانګونه د څومره سپما لپاره کوو یا پانګونه د څه شي لپاره کوو؟

دویم ټکی دا دی چې له مصرفي پورونو باید ځان بې غمه کړو. یعنې موږ باید مطمین شو هغه پورونه چې موږ د پانګونې لپاره ترلاسه کړي دي، موږ ته ګټه رارسوي. دلته دا پوښتنه شوې چې ولې باید داسې وکړو؟

په ځواب کې یې ویل شوي دي چې پور اخیستونکی تل له ذهني فشار او ګډوډۍ سره مخ وي. فکري تمرکز یې برابر نه وي او نشي کولای چې سالم تصمیم ونیسي یا له فرصتونو سمه ګټه واخلي. بده به نه وي که ووایو چې ټول پورونه بد نه وي. ځینې پورونه کولای شي موږ ته ګټه راورسوي مثلا: موږ د پور په پیسو یو کور رانیسو او په کرایه یې ورکوو. دې ډول عاید ته (Rental Income) وایي.

په درېیم قدم کې باید خپله بودیجه وټاکو. له لویه سره د ټولنې ټول وګړي غواړي سپما وکړي، ځکه سپما کول د پانګه اچونې لپاره لومړی شرط دی. همدا سپما زموږ د بودیجې په ټاکلو کې مرکزي رول ادا کوي. څومره چې موږ سپما او بچت زیاتوو، په همغه اندازه زموږ بودیجه ډېرېږي. کله چې موږ بودیجه ټاکو، موږ ته د خپلو پیسو او پانګې لپاره مناسب ځایونه راښکاره کېږي. دا راښکاره کېدل موږ سره مرسته کوي چې د پانګه اچونې ځای او نور مشخصات بدل او یا په خپل حال پرېږدو. د بودیجې ټاکل کومه ځانګړې پوهه یا مهارت نه غواړي، یوازې باید یو قلم او کاغذ ولرو او شرایط درک کړو.

څلورمه خبره دا ده چې فیسونه او مالي مصارف باید راکم کړو. منظور دا چې د پانګونې مصارف باید له عایده زیات نه شي. که په مالي مواردو کې له افراطه کار اخلو، که په پانګونه کې زیات مصرف کوو او که مصرف مو له عایده زیات وي، نو په لوی لاس خپله پانګونه ناکاموو او شونې ده چې د ګټې پرځای تاوان وکړو.

پنځم ټکی چې باید پام ورته وشي دا دی چې د شتمنیو تخصیص باید وکړو. د شتمنیو وېش یا تخصیص هغه تګلاره ده چې موږ پکې د پانګونې دوسیه او ساحه په بېلابېلو برخو وېشو. بانډونه، املاک، اختیاري پانګونې او نغدي پیسې د دې برخو ښه مثالونه دي. د دې تخصیص یوه ښېګڼه دا ده چې د پانګونې د ساحې په وېشلو سره موږ ته پېښېدونکي خطرونه راکموي، یعنې ټولې هګۍ په یوه درجن کې نه اچوي چې په یوځل د یوې هګۍ پرځای ټولې هګۍ لمنځه لاړې شي. د شتمنیو تخصیص یو ډول نه دی. د پانګه اچونې ماهرانو د دې چارې د ترسره کېدا لپاره ګڼ مېتودونه رامنځته کړي دي. سربېره پردې ډېر موډلونه شته چې په دې برخه کې مرسته راسره کولای شي. زما په نظر ترټولو ښه تخصیص او وېشنه د MPT د تیورۍ په اساس کېدلای شي. دا تیوري او ستراتېژي د بېرته راستنېدونکو خطرونو په کمونه کې مرسته راسره کوي. په دې ډول چې زموږ د پانګونې ساحه په بېلابېلو شتمنیو وېشي. د دې مېتود په واسطه وېشل شوې برخې له یو بل سره اړیکې نلري، نو که یوه شتمني زیان مومي، بلې ته یې تاوان نه رسي او په خپل عادي حالت پاتې کېږي.

زموږ په هېواد کې چې لا هم پکې دودیزه سوداګري او ساده کاروبارونه مروج دي، دې اصولو او لارښوونو ته څوک اهمیت نه ورکوي او نه یې په لوستو ځان ستړی کوي. که دا څو ماتې او شډلې جملې د چا په ښه راغلې، بنده به ځان په خپله چاره کې بریالی وبولي.

1,438 total views, 3 views today

onesignal_meta_box_present:
1
onesignal_send_notification:
status:
200
recipients:
596

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2