Categories

اعلان

Loading…

د قطر غونډه به د درې سوه افغانانو په ګډون د شنبې په ورځ پرانیستل شي

تاند- دوحې ته د بین الافغاني خبرو لپاره له افغانستانه د تلونکی پلاوي سفر په نامعلوم علت ځنډېدلی دی.

په قطر کې د دې غونډې تنظیموونکي ویلي چې د افغانانو ترمنځ غونډه به، چې ټاکل شوې وه د اپریل په ۱۹ (سبا) جوړه شي، د شنبې ورځې ته ځنډول شوې ده.

په قطر کې د شخړې او بشري څېړنو مرکز مشر سلطان برکات، چې د افغانانو ترمنځ د غونډې تنظمیوونکی دی، وايي چې په دوحه کې د شنبې او یکشنبې په ورځو د بین الافغاني خبرو د غونډې د برخوالو لیست په دقت چمتو شوی دی او هدف دا دی چې د ټولو افغانانو استازي په دې غونډه کې ګډون وکړي.

ده په ټویټري پیغامونو کې، چې په پښتو او دري یې هم لیکلي، ویلي، په دې غونډه کې دولتي چارواکي، سیاستوال، د مدني ټولنې استازي، ځوانان مذهبي مشران او په دوحه کې د طالبانو د سیاسي دفتر غړي ګډون کوي.

ده همداراز لیکلي چې برخوال به په خپلو شخصي ظرفیتونو کې ګډون وکړي.

د ښاغلي برکات په وینا په دې غونډه کې به شاوخوا ۳۰۰ تنه افغانان ګډون وکړي. ټاکل شوې ده چې له کابل څخه ۲۵۰ کسیز پلاوی دوحې ته روان شي.

950 total views, 2 views today

onesignal_meta_box_present:
1
onesignal_send_notification:
status:
200
recipients:
595

Leave a Reply

Your email address will not be published. Required fields are marked *

۸