Categories

اعلان

Loading…

فېسبوک ته د افغانستان د مخابراتو او معلوماتي ټکنالوژۍ د وزیر خبرداری

تاند- د افغانستان د مخابراتو او معلوماتي ټکنالوژۍ وزیر خبرداری ورکوي چې که د فېسبوک کمپنۍ د حکومت پالیسۍ په پام کې ونه نیسي، په افغانستان کې به پر فېسبوک بندیز ولګوي.

شهزاد اریوبي نن /شنبه/ په کابل کې په یوه خبري غونډه کې وویل چې د فېسبوک کمپنۍ ته به یو رسمي لیک واستوي چې په افغانستان کې د فیسبوک فعالیتونه له مقراراتو سره سم کړي.

ده وویل چې وزارت یې په ځانګړي ډ‌ول له فېسبوک څخه د جعلي او نامعلومو حسابونو (اکاونټونو) د بندولو په برخه کې د همکارۍ غوښتنه لري ځکه چې دا اکاونټونه په افغانستان کې د فېسبوک د کاروونکو په منځ کې نارامي او اخلال رامنځته کوي.

د مخابراتو او معلوماتي ټکنالوژۍ وزیر دا څرګندونې ۱۳ورځې وروسته له دې وکړې چې وزارت یې وویل چې په افغانستان کې د فېسبوک د محلې کولو موافقه یې له دې کمپنۍ سره لاسلیک کړې ده.

د مخابراتو وزارت له هغې خبرپاڼې سره سم، چې د مارچ په ۳۰ یې خبره کړه، دا موافقه د فېسبوک د کاروونکو د معلوماتو د مصونیت لپاره شوې او دغه راز د دې موافقې له مخې به په افغانستان کې د فېسبوک د کاروونکو د معلوماتو د تبادلې مرکز فعال شي.

2,746 total views, 3 views today

onesignal_meta_box_present:
1
onesignal_send_notification:
status:
200
recipients:
586

Leave a Reply

Your email address will not be published. Required fields are marked *

۸