Categories

اعلان

Loading…

طالبانو د سره صلیب او د روغتیا د نړیوالې ادارې پر فعالیت بندیز ولګاوه

تاند- وسله والو طالبانو تر خپل کنټرول لاندې سیمو کې د روغتیا د نړیوالې ادارې او سره صلیب پر فعالیت بندیز ولګاوه.

دا دوې ادارې په روغتیايي برخو کې فعالیت کوي.

د طالبانو ویندوی ذبیح الله مجاهد ویلي چې د روغتیا نړیواله اداره او د سره صلیب نړیواله کمېټه له شرایطو سره سم فعالیت نه کوي.

په افغانستان کې د روغتیا د نړیوالې موسسې ویندوی جین ني له رویټرز خبري اژانس سره په خبرو کې تایید کړې چې طالبانو د دوی پر فعالیت بندیز لګولی دی.

د روغتیا نړیواله اداره په افغانستان کې د واکسیناسیون په برخه کې فعالیت کوي. په افغانستان کې واکسین په دې خاطر هم ډېر مهم دی چې ډېری خلک له روغتیايي اسانتیاوو بې برخې دي او د پولیو په شان ناروغۍ لا پکې له منځه تللي نه دي.

د سره صلیب نړیوالې کمېټې هم وویل چې هڅه کوي د افغانستان په جګړه کې له ښکېلو خواوو سره اړیکې ولري.

دا کمېټه له تېرو ۳۰ کلونو راهیسې په افغانستان کې فعالیت کوي.

د سره صلیب کمېټې ویندوی رابین واډو وویل چې په افغانستان کې یې خپل فعالیت د دې لپاره درولی چې طالبانو د امنیت ورکولو ضمانت بېرته اخیستی دی.

دواړه ادارې وايي چې غواړي په دې پوی شي چې طالبانو ولي د دوی د فعالیت مخه نیولې ده.

1,182 total views, no views today

onesignal_meta_box_present:
onesignal_send_notification:
status:
200
recipients:
598

Leave a Reply

Your email address will not be published. Required fields are marked *

۸