Categories

اعلان

Loading…

طالب باید دولت کې مدغم شي، نه دولت طالب کې | نوید احمدڅرک

د طالبانو نظام او حشتونو ته په کتو ډيره اړتیا ده چې طالب په دولت کې مدغم شي، چې له افراطیت او غلامۍ راووځي.

که څه هم د وحشي طالب د وحشت او دهشت ډیر اسناد شته خو له وحشي طالب سره د مخالفت او د ده د محکمه کولو لپاره همدا یوه ویډیو کافي ده چې تازه په ټولنیزو رسنیو کې خپره شوې ده.

وحشي طالب همداسې په نه خبره بیګناه انسانان وژني دا چې د هر یوه ویډیو نه جوړیږي پدې معنا نه ده چې د وحشي طالب دا لمړۍ یا یوازینی وحشت دی، طالب تر خپل توان پورې د وحشت هڅه کوي خو ځینې یې ښکاري او ځینې پټ پاتې کیږي.

هغه افغانان چې لا هم د وحشي طالب ملاتړ کوي هیڅ وجدان او انسانیت نلري، دولت باید نور د طالب په ملاتړو هم هیڅ رحم ونکړي او خپلو چاپو، د شپې عملیاتو او بمباریو ته دې نور هم زور ورکړي،. دا وحشي طبقه یوازې او یوازې په زور ورکیدای شي.

زه نه پوهیږم چې حکومت کوم مشکلات لري چې په دومره موده کې یې د طالب پروړاندې جدي اقدام و نه کړ چې له منځه یې یوسي.

که د دې دولت په ځای وای له طالب او طالب پلوو سره مې هغه کار کاوه کوم چې وحشي طالب يې له عامو افغانانو سره کوي، هیڅ رحم مې پرې نه کاوه.

څلورو طالبانو به ټوله ولسوالۍ د ډار په زور ساتله خو که حکومت یوه ورځ له طالب سره جدي شو ته بیا وګوره چې طالب کوم ځای پټيږي او کوم ځای دولت ضد فعالیت کوي.

د بیان ازادي هلته خلاصیږي چیرته چې د دښمن به ګټه تبلیغات شروع کیږي، ځکه نو له ګړنګن نه تر کمزوري باید له یوه سره محکمه شي، دوی د نظام له مینځه د نظام پښې وهي او وحشي طالب ته کمپاین کوي، دوی هیڅ د رحم وړ نه دي.

ویډیو مې مخې ته راغله خو ښه ده زر مې بنده کړه او تر پایه مې ونه کتله، ځکه نه غواړم چې دا شیان راته عادي شي او بیا د یو بیګناه انسان په مرګ هیڅ خفه نشم.

که چا لیدلې وي نو طالب پلوو ته یې وښایئ، خو که دوی بیا هم د طالب پلوي کوي نو له دغسې وحشیانو نه د انسانیت طمع قطع کړئ ولو که د کور غړی مو هم وي.

بله دا چې وحشي طالب په نورستان کې ښځې د موسیقي په اوریدو په عام محضر کې په دورو وهي، لږ فکر وکړئ، سلګونه نران ناست دي، مذهبي وحشیان پردۍ ښځې راولي او د ټولو په مخ کې یې په دورو ووهي.

یوې ښځې ته تر دې بل څه سپکاوی کیدای شي؟ همدا وحشیان یې یو ځل د خپلې عقیدې لپاره په کور کې بندي کړي او بیا یې دغسې ډک بازار ته راوباسي او د عامو خلکو مخکې یې په دورو ووهي، هغه ورته چیغې وهي او دا یې وهي. آیا په دین کې دا د ښځې عزت شو؟

په مذهبي نظامو کې خلک همداسې په وحشت او بیعزتۍ کې ژوند تیروي. مذهبي وحشیان ان د خلکو په ښځو اختیار لري. دا کار د مذهبي نظامو د وحشت یوازې یو مثال دی. په دیني نظامو کې ته حتا پخپل کور کې هم خوندي نه یې او مذهبیان ستا شخصي ژوند کې کار لرل خپل حق ګڼي.

خو کومه ټولنه کې چې انسان فردي ازادي ونلري هغه ټولنې مړې وي او هیڅکله به هم لکه ژوندیو انسانانو ژوند او پرمختګ ونکړي. د انسان فردي ازادي تر هیوادنۍ ازادي څو چنده مهمه ده.

914 total views, no views today

onesignal_meta_box_present:
1
onesignal_send_notification:
status:
200
recipients:
596

1 comment

  1. Babrak Reply

    افسوس چی دواړه خواوی:دولت او طالب دواړه تاریخی ظالمان او مزدوران دی
    د همدې دولت واکداران هماغه تاریخی غداران او مفسدین دی او طالب خو د فی درک اسفل من النار مالکان دی چی وطن یې دوزخ کړی دی. طالب دی ځان مسلمان مسلمان نه کوي ځکه چې عیان را چه حاجت بیان!ا

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2