Categories

اعلان

Loading…

ایران: په تهران کې تر یو لک زیات افغانان ښوونځیو ته ځي

تاند- ایران وايي چې د دغه هیواد په تهران ولایت کې یولکو اتلس زره افغان زده کوونکي ښوونځیو ته ځي.

د فارس خبري اژانس د راپور له مخې د تهران د بهرنیو اتباعو او مهاجرو د څانګې عمومي رييس عیسي موسوي نسب د دې خبرې د کولو په ترڅ کې وویل، افغانان د ملګروملتو د کډوالو د لویې کمیشنرۍ، افغانستان او ایران د درې اړخیزې موافقې پراساس په تهران ولایت کې درس وايي.

د ده په وینا په ۱۹۸۱ میلادي کال، چې ایران ته د افغان کډوالو راتګ پیل شو، یوازې شپږ فیصدو افغانانو لیک لوست 1زده و خو اوس په ایران کې اویا فیصده مېشت افغانان سواد لري او په ایران کې یې لیک لوست زده کړی دی.

ښاغلي موسوي نسب د سواد دا لوړه فیصدي د نړۍ په مهاجرو کې بې سارې وبلله.

د ایران په نورو ولایتونو په تېره بیا خراسان کې هم په لکونو افغانانو زده کړې کړي او یا په زده کړه بوخت دي.

په دغه هیواد کې د تعلیمي سویې د لوړوالي له کبله هغه زده کوونکي چې له ایرانه افغانستان ته راغلي په اسانه پوهنتونونو ته بریالي شوي او د افغانستان اکثره کاري فرصتونه هم هغو کسانو ترلاسه کړي چې په ایران کې یې زده کړې کړي دي.

په ایران کې زده کړو که له یوې خوا د افغانانو د سواد له لوړېدو سره مرسته کړې نو له بلې خوا په افغانستان کې د همدغو کسانو په وسیله د ایران کلتور په پراخه پیمانه دود شوی دی.

75 total views, 1 views today

3 comments

  1. mail Reply

    پاته د نه وی چی د افغان مهاجرو له دومره لوی کمیت نه ډیر زیات مسلکی او مجرب جاسوسان او وران کاران هم تربیه کیږی او هغوی د مذهبی او فرهنګی مشترکاتو په اساس دلته په افغانستان کی دوی ته ډیر سودمند کارونه کولای شی . د افغانستان د ورونو قومونو تر منځ نفاق ، فدرالیزم ، د پښتو ژبی اونوروژبو په مقابل کی حساسیت راپارول ، د افغانستان د دولتی او ملی مصطلحاتو له منځه وړل او پر ځای یی ایرانی دوچرخه او موتر اسکلیت او راه بردی یا د لارو غلا اونور مزف او بی معنی کلمی رواجول د همدغو خلکو کار دی.
    له اساسی قانون سره سم د افغانستان دولت دنده لری چی له ګاونډیو هیوادونو نه خپل هیواد ته د ټولو مهاجرو د راستنیدو زمینه مساعده کړی . هغوی ته د کار او تعلیم فضا برابره کړی او په ملی او افغانی روحیی سره د هغوی اولادونه وروزل شی.

  2. نور الرحمن شیراني Reply

    ایران افغان مهاجرو ته په فارسي ادبیاتو، ایرانشناسي، اسلامیات او نورو برخو کې د لوړو زده کړو حق ورکوي. دا پدې خاطر چې د دین، او ژبې له لاري دوی په افغانستان کې ښه او ماهرانه لاسوهنه کولی شي.

    په ایران کې د ژونده نورې آسانتیاوې ښې دي، همدغو آسناتیاو د افغان کډوالو سره مرسته کړیده ترڅو هغوی پخپله ځان ورسوي. د اسنادو د جوړولو په برخه کې د افغانستان سفارت ښه سخاوتمندانه لاس ورسره یو کړیدی. تش په نامه آزموینه ترې اخلي او د ایران په بیلابیلو پوهنتونو کې د نیمه-بشپړ شوو لوړو زده کړو په نامه اسناد په لاس ورکوي. چې افغانستان ته له راتګ سر ه سم بیا دوی د ښه کار زمینه هم برابریږي.

    دا د ایران نه، بلکه د کډوالو افغانانو چې زیاتره هزاره او لږ ېې تاجیک دي او د افغان سفارت چې بیرته د همدوی تر واک لاندې فعالیت لري ګډ او مشترک تولید دی.

    هیڅ پښتون په ایران کې تر اوسه طبابت، اقتصاد، زراعت او یا بل ندی لوستی.

  3. دانگ پیلی Reply

    داکوم گته نلری یواجی به درد سر پیدا کی اوبس مذهبی کلتوری ستونزی به پیداکی

Leave a Reply

Your email address will not be published. Required fields are marked *