Categories

اعلان

Loading…

د ښوونځي د زنګ مېله | ګل آغا احمدي وردګ

په افغانستان کې د ښوونځي زنګ د حمل یا وري د میاشتې په دریمه نېټه وهل کېږي، د دې زنګ په کړنګولو سره په ټول هېواد او ځانګړې توګه سړو سیمو کې تعلیمي کال په رسمي توګه پيل کېږي او د ښوونځي زنګ وهل د یوې تعلیمي او کلتوري مېلې په توګه د افغانستان په تاریخ کې ثبت دی. د ښوونځي زنګ د کړنکولو مېله په غالب ګمان د اعلیحضرت محمد ظاهرشاه د واکمنۍ پر مهال د افغانستان د پوهنې په نظام کې د لومړي ځل لپاره دود شوې ده. د افغانستان پخوانی پاچا ښاغلی محمد ظاهر شاه د ۱۳۱۲ هجري لمریز کال د لړم د میاشتې په ۲۶مه نېټه پاچاهۍ ته رسېدلی او د ۱۳۵۲ کال د چنګاښ تر ۲۵مې نېټې پورې د افغانستان پاچا وو. د دې خبرې تصدیق د پوهنې د وزارت یو چارواکي هم کړی دی او د هغو معلوماتو په اساس چې د پوهنې وزارت د املاکو پخواني رییس ښاغلي (محمد صدیق کرمخېل) د تیلفون د لارې راکړل، د ښوونځي د زنګ مېله په معاصره بڼه په ۱۳۱۲ هجري لمریز کال پیل شوې ده. باید وویل شي چې د افغانستان په تاریخ کې د لومړي ځل لپاره د امیر شېرغلي خان د پاچاهۍ په دوره کې عصري تعلیم پيل شوی چې له ۱۲۴۲ هجري لمریز کال سره برابر دی. خو د انګرېزي لښکرو د یرغل له کبله په هېواد کې د عصري زده کړو بهیر د یوې مودې لپاره و ځنډېده او دا بهیر دویم ځل د امیر حبیب الله خان د واکمنۍ پر مهال په ۱۲۸۲ هجري لمریز کال د حبیبیه لېسې په جوړېدو سره پيل شو. د افغانستان د پوهنې بهیر په ۱۳۰۸ هجري لمریز کال د حبیب الله کلکاني (بچه سقاو) د حاکمیت د ۹ میاشتني دورې څخه پرته چې عصري تعلیم په بشپړه توګه په هېواد سقوط وو، تر روان کال یانې ۱۳۹۸ هجري لمریز کال پورې د ځینو هسکو ټیټو په درلودلو سره روان دی او هر تعلیمي کال په یو لړ رسمي مراسمو سره پيل کېږي. دا چې د افغانستان د سیاسي حاکمیت په مختلفو دورو کې د ښوونځي د زنګ وهلو مراسم څه ډول وو په هکله یې دقیق او مشخص معلومات ډېر کم دی خو هغه څه چې له دې ډول معلوماتو څخه جوتېږي دا دي چې د هر تعلیمي کال په پيل کې یا خو د حاکم نظام سترو چارواکو (پاچا، ولسمشر یا صدراعظم) د ښوونځي د زنګ مېله په رسمي توګه پرانیستې، په همدې مناسبت به د حکومت او پوهنې وزارت د مشرتابه په سطح رسمي ویناوې کولې او یا به یې پيغامونه خپرول. د ځینو تاریخي لاسوندونو څخه دا خبره په ډاګه کېږي چې امیر شېرعلي خان،  امیر حبیب الله خان او امیر امان الله د خپلې پاچاهۍ پر مهال عملا د زده کوونکو د تدریس په چارو کې ونډه اخیستې، ټولګیو ته ورغلي او زده کوونکي یې تشویق کړي دي. له ۱۳۸۱ هجري لمریز کال راهیسې د ښوونځي د زنګ مېله د کابل په اماني لېسه کې د جمهور رییس په وینا سره پیل کېږي او ډول ډول پروګرامونه لري. همدارنګه دغه دود د کابل ښار په نورو ښوونځیو او ولایتي کچه هم په ورته شکل صورت مومي او د هېواد په زیاترو لویو ښوونځیو، لېسو او تعلیمي ادارو کې تعلیمي کال د یو لړ رسمي مراسمو په ترځ کې د پوهنې د مسوولینو له خوا پرانیستل کېږي. د ښوونځي زنګ د مېلې څخه بنسټیزه موخه دا ده چې په افغانستان کې حاکم نظام د افغان ولس په وړاندې خپله ژمنیتا او د پوهنې اهمیت څرګند کړي او په هېواد کې د پوهنې د تعمیم لپاره په ملي کچه هلو ځلو ته پیاوړتیا په برخه کړي. د ښوونځي زنګ په میله کې د حاکم نظام د مشرتابه وینا يا پيغام، د پوهنې د وزیر وینا، پوهنیزې ترانې، سپورتي لوبې، د څارندوی ډلې هنري فعالیتونه، پوهنیز نندارتونونه، د تخنیکي او مسلکي زده کړو د زده کوونکو د روزنیزو پروګرامونو ښودل، موسیقي، سندرې، ډولونه، اتڼونه، وتلیو ښوونکو ته ډالې او انعامونه ورکول او داسې نور شامل وو. د ولسمشر او د پوهنې د وزیر په ویناوو کې د تېر کال د پوهنیزو لاسته راوړنو لنډ راپور او د نوي کال تعلیمي پلانونه شامل وي. د دې تر څنګ یاد مقامات په خپلو خبرو کې د ښوونیز چاپېریال، استادانو، زده کوونکو، ښوونځیو، تعلیمي نصاب او داسې نور د ښه والي په هکله هم یو شمېر ژمنې کوي.

د ښوونځي زنګ د مېلې څخه یوه یا دوې میاشتې د مخه یو داسې کمسیون ته دنده سپاري چې د پوهنې وزارت د نشراتو، څارندوی، تعلیمي تلویزیون او یو شمېر نورې څانګې یې غړي وي دنده سپاري چې د همدې مېلې لپاره ټول ترتیبات نهایي کړي او لازم چمتوالی و نیسي. د چمتوالي په چارو کې د غونډې د تالار رنګول، د چوکیو برابرول، د نبرونو چاپول، د ساحې نظافت، تشریفات، د بلنیکونو چاپ او لېږل، د ترانو د ټېمونو چمتو کول، د پوهنې د وزیر وینا، له اړوندو اداراتو سره همغږي او داسې نور په نظر کې نیسي.

په کابل کې د ښوونځي د زنګ په ملي او لویه مېله کې ګډونوال یو شمېر زده کوونکي، ښوونکي، د کابل ښار د معارف مسوولین، حکومتي چارواکي، د ملي شورا یو شمېر غړي، وزیران او د افغانستان د اسلامي جمهوریت ولسمشر شامل وي. همدارنګه په دې مېله کې یو زیات شمېر ښځینه استادانې او ښځینه فعالانې هم برخه اخلي. دغې مېلې ته د افغانستان د موسیقۍ د ملي انستتیوت هنري ډلې ملي سرود او پوهنیزې ترانې په ژوندۍ بڼه اجرا کوي. د دې ډول مېلو بهیر له ملي تلویزیون او ځینو خصوصي تلویزیوني شبکو څخه په مخامخ ډول خپرېږي.     

د ۱۳۹۸ هجري لمریز په ۳مه نېټه د افغانستان د اسلامي جمهوریت ولسمشر ښاغلي محمد اشرف غني د ښوونځي د زنګ په کړنګولو سره دغه لویه پوهنیزه مېله پرانیسته او په ټول هېواد کې تعلیمي کال پيل شو. په افغانستان کې د پوهنیزې پراختیا په هیله.

اخځلیکونه:

د افغانستان د پوهنې وزارت د املاکو د پخواني رییس محمد صدیق کرمخېل سره مرکه

875 total views, 2 views today

onesignal_meta_box_present:
1
onesignal_send_notification:
status:
200
recipients:
570

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2