Categories

اعلان

Loading…

ملګرو ملتونه د کندوز په حمله کې د ۱۰ ماشومانو وژل کېدا تایید کړه

تاند- په افغانستان کې د ملګروملتو مرستندوی دفتر (یوناما) تایید کړه چې د د شنبې په شپه د کندوز په حمله کې د ۱۰ ماشومانو په ګډون ۱۳ ملکیان وژل شوي دي.

یوناما نن /دوشنبه/ وویل چې د کندوز د تلوکې د پېښې په اړه د دوی څېړنو وښوده چې د بهرنیو پوځیانو په حمله کې د یوې کورنۍ ۱۰ ماشومان او درې تنه نور وژل شوي دي.

یوناما ویلي چې وژل شویو کسانو د جګړو له لاسه له بلې سیمې څخه د شنبې د شپې د حملې ځای (تلوکې) ته پناه راوړې وه.

د کندوز د ولایتي ادارې چارواکو ویلي چې کندوز ښار ته نژدې په تلوکه کې ۱۴ ملکیان وژل شوي او ۲ تنه ټپیان شوي دي.

د ملګروملتو مرستندی دفتر همداراز وايي چې لا هم په دې سیمه کې د دوی تحقیقات دوام لري.

له پېښې وروسته د سیمې اوسېدونکو د ماشومانو مړي د احتجاج په دود کندوز ښار ته یووړل او له حکومت څخه یې غوښتنه وکړه چې د دې برید له عاملانو سره حساب وکړي.

خو په افغانستان کې د امریکا د پوځ ویندوی ډبرال ریچاردسن پړه په طالبانو واچوله، ویې ویل چې طالبان د ملکي خلکو په کور کې پټ شوي وو او بې له دې چې د ملکیانو ژوند ته اهمیت ورکړي همالته یې تګ راتګ کاوه.

ملګروملتو یو وار بیا پر ښکېلو خواوو ږغ کړی چې د ملکیانو د ژوند خوندیتوب ته پام وکړي.

یوناما وايي چې د ملکیانو د مرګ ژوبلو په اړه د دوی شمېرنې ښيي چې د ۲۰۱۷ کال په پرتله په ۲۰۱۸ کې د هوايي حملو په لړ کې د ملکیانو تلفات په سلو کې ۲۴ زیات شوي دي.

په ۲۰۱۸ م کال کې ۸۰۴ ملکیان وژل شوي وو.

1,003 total views, 2 views today

onesignal_meta_box_present:
1
onesignal_send_notification:
status:
200
recipients:
572

Leave a Reply

Your email address will not be published. Required fields are marked *

۸