Categories

اعلان

Loading…

ملامت، د نزارقباني شعر/ ژباړه اجمل پسرلی

دنیا مې ګرموي، چې زه یې ګرانوم

لکه ما چې، مینه اختراع ده، لکه ما چې ده خلق کړې

لکه ما چې د ګلاب په اننګو کې انځور کړې

لکه ما چې په اسمان کې ده مرغه ته ورښوولې

لکه ما چې د غنم په شان پټیو کې کرلې

لکه ما چې سمندر کې اوبه کړې

لکه ما چې د ښایسته سپوږمۍ په څیر ده له اسمانه ځړولې

دنیا مې ګرموي چې د چا نوم اخلم یا یاد کوم چې ګرانه ده

لکه زه چې یمه مینه، د ده مور یم د ده خور یم

لکه زه چې انتظار وم، لکه زه چې پوهیدمه

لکه ما چې و لوستلي، لکه ما چې اوریدلي، مینه هغسې رانغله

که زه پوه وای چې دا مینه اعتیاد دی، ځان مې نه روږدی کاوه

که زه پوه وای چې دا مینه ده د ډيرو شمالونو دروازه، ما به نه وای پرانیستلې

که زه پوه وای چې دا مینه اورلګید دی مابه نه وای لګولې

دغه مینه مې تر ټولو مینو تیره

کاش چې کله یې لاسونه پرانیستل

ما ترې بلې خوا کتل

کاش چې کله یې وژلی…ما پرې وار وای مخکې کړی

دغه مینه زه په شپه کې پر پردو ځوړنده وینم

زه یې ګورمه جامو کې…..

هم په عطر او بنګړو کې

زه یې وینم رسم شوې پر خپل رغوي…

زه یې وینم نقش شوې خپل احساس کې

که یې زه وای خبر کړی

چې دا مینه ده ماشومه، ډک له شوره له ماشوره

بیا مې نه راپریښودله

که زه پوه وای چې یې پریږدم بیا مې زړه کې اینې ریزه کوي

څو شیبو کې اور اورونه بلوي

څو شیبو کې هرڅه بل مخ اړوي

څو شیبو کې دیوالونه سره کوي، دیوالونه شنه کوي

ما به سر نه وه شړلې

څومره ارزښتمنه یې

له خدایه یم راضي…چې زه دې ګرانومه

دغه مینه مې تر ټولو ګلالۍ ده

دغه مینه مې تر ټولو ده بیساری

هیلمن یم چې لیدلو ته څوک راشي

ګلونه به یې غاړه کې امیل کړم

که راغله په ژړا

ور به ورته خلاص کړم

ښکل به یې کړم، ښکل به یې کړم

ښکل به یې کړم

ښکل

(پای)

960 total views, 3 views today

onesignal_meta_box_present:
1
onesignal_send_notification:
status:
200
recipients:
570

4 comments

  1. موسى كريم Reply

    د ميني په اړه د نزار قباني د شعر تر څنگ د محترم حكمتيار دا شعر هم ولولئ:
    مينه څه ده؟
    مينه څه ده؟ سره لمبه ده دين ايمان دي سوزوي
    مينه څه ده؟ يوه وږمه ده رب رحمان دريادوي
    مينه څه ده؟ توند طوفان دئ كور د عقل ورانوي
    مينه څه ده؟ خوږ باران دئ د زړه كر ښېرازوي
    مينه څه ده؟ څپاند سيند دئ هيبتونه زېږوي
    مينه څه ده؟ د صحراء سړه چينه ده تږى زړه خړوبوي
    مينه څه ده؟ يو سور اور دئ شهوتونه پاروي
    مينه څه ده؟ د زړه سوز دئ رحمتونه وروي
    مينه څه ده؟ يوه پلمه ده د شيطان د لاس آله ده
    مينه څه ده؟ كرشمه ده فرشته ئې پاروي
    مينه څه ده؟ تش فريب دئ له هوس راټوكېدلى
    مينه څه ده؟ توند احساس دئ ويښ ضمير ئې زېږوي
    مينه څه ده؟ يو نشتر دئ زړه ځگر زخمي كوي
    مينه څه ده؟ يو ملهم دئ زخمي زړونه رغوي
    مينه څه ده؟ دا د ژوند د بقاء راز دئ
    مينه څه ده؟ يوه جذبه ده مور ايثار ته هڅوي
    مينه څه ده؟ د احسان بدل كي شكر او ثناء ده
    مينه څه ده؟ د ښكلا ښايست ليدا ته هڅېدا ده
    مينه څه ده؟ زما د مور د زړه درزا ده
    مينه څه ده؟ د ماشوم ښكلې خندا ده
    مينه څه ده؟ د يوې شمعي سوزېدا ده
    مينه څه ده؟ د پتنگ د سر سودا ده
    حكمتيار

  2. غلام حضرت Reply

    زه له هره نظره یو مُفلس انسان یم
    خو
    پدې ویاړم چي دا حقیقت می درک کړیدی چي
    خوشی خبره نده چي
    په پښتنی ادبی جغرافیا کی یوازنئ پښتنی شاعر چه د ژبی او سترګو او غوږونو او قلب او مغز او عقیدې تر منځ پرتې ضخیمی پردې ئې په طبیعی توګه څیری سویدی هغه فقط او فقط مومند عبدالرحمن دی او بس

  3. غلام حضرت Reply

    بخښنه غواړم
    هېر می سوه چي په مخکنۍ تبصره کی ولیکم چي
    دا تبصره می فقط د حکمتیار ته منسوب شعر په هکله ولیکله)

  4. Zahra Zafar Reply

    nice sharing amazing one keep sharing thanks

Leave a Reply

Your email address will not be published. Required fields are marked *

۸