Categories

اعلان

Loading…

ملابرادر هیله لري چې په راتلونکو خبرو کې به نور پرمختګ وشي

تاند- د طالبانو مرستیال او د قطر د دفتر مشر ملاعبدالغني برادر هیله ښيي چې په راتلونکو خبرو کې به نور پرمختګ وشي.

ښاغلي برادر دا خوشبیني په هغه صوتي مرکه کې کړې چې د امریکا او طالبانو له ۱۶ ورځنیو خبرو وروسته نن /پنجشنبه/ خپره شوه.

په دې مرکه کې، چې د طالبانو ویندوی ذبیح الله مجاهد پر ټویټر خپره کړې، ملابرادر وايي، د قطر په خبرو کې د پام وړ پرمختګ شوی او دی هیله لري چې په راتلونکو خبرو کې نور پرمختګ وشي.

ملابرادر وايي، هیله لري چې د افغانستان سیاسي او جهادي مشران به افغانستان ته شا وانړوي او د طالبانو پر ضد به ونه درېږي ځکه چې د ده په وینا سیاسي او جهادي مشران او همداراز طالبان د پخوا ډېرې تجربې لري.

ملابرادر زیاتوي، د افغانستان راتلونکی سیستم به هیچا ته زیان وانړوي او افغانستان له نړۍ سره هماغسې اړیکې غواړي چې نور هیوادونه یې له یو بل سره لري.

ملابرادر وايي چې افغانان دې هیڅ تشویش نه لري او څوک چې دوی ته وروڼه وايي دوی یې هم خپل وروڼه ګڼي.

پرون د امریکا د بهرنیو چارو وزارت هم ویلي و چې د قطر په خبرو کې د پام وړ پرمختګ شوی دی.

1,466 total views, 6 views today

onesignal_meta_box_present:
1
onesignal_send_notification:
status:
200
recipients:
563

Leave a Reply

Your email address will not be published. Required fields are marked *

۸