Categories

اعلان

Loading…

امریکايي چارواکې: تر څو چې تروریزم پوره ختم شوی نه وي، امریکايي پوځیان به په افغانستان کې وي

تاند- په ناټو تړون کې د امریکا ملکي استازې وايي، په افغانستان کې به د تروریزم پر ضد مبارزه د ترهګرۍ تر بشپړې پای ته رسېدا پورې دوام لري او امریکايي پوځیان به په افغانستان کې پاتې شي.

په ناټو کې د امریکا ملکي استازې مېرمن (کې بیلي هچسن) په افغانستان کې د غوڅ ملاتړ ماموریت له قوماندان جنرال سکاټ میلر سره په کتنه کې یو وار بیا په افغانستان کې د امریکايي پوځیانو د حضور پر اړتیا ټینګار وکړ.

دې له طالبانو سره د سولې د خبرو د ملاتړ ترڅنګ وویل، تر څو چې په افغانستان کې تروریزم له منځه وړل شوی نه وي د امریکا او ناټو پوځیان به په دې هیواد (افغانستان) کې پاتې وي.

اغلې هچسن زیاته کړه«د ناټو تړون غړي په افغانستان کې له تروریزم سره د مبارزې د ماموریت ملاتړ کوي او زموږ ماموریت به د ترهګرۍ تر پوره ختمېدا پورې دوام وکړي.»

دا په داسې حال کې ده چې هم طالبان او هم د افغانستان د سولې لپاره د امریکا ځانګړی استازی زلمی خلیلزاد وايي چې د قطر په پنځم پړاو خبرو کې یې له افغانستانه د امریکايي پوځیانو د وتلو او له افغانستانه بهر ته د تروریزم د ګواښ د مخنیوي په برخو کې یې پرمختګ کړی دی.

886 total views, 5 views today

onesignal_meta_box_present:
1
onesignal_send_notification:
status:
200
recipients:
563

Leave a Reply

Your email address will not be published. Required fields are marked *