Categories

اعلان

Loading…

ارګ د ملا عمر د اوسېدو د ځای په اړه د هالنډي لیکوالې ادعا رد کړه

تاند- د افغانستان حکومت د طالبانو د موسس ملا محمد عمر اخوند د پټېدو د ځای په اړه هغه ادعا رد کړه چې یوې لوېدیځې لیکوالې بیې دم (Bette Dam) په په یوه کتاب کې کړې ده.

دې لیکوالې په خپل تحقیقي کتالب (د ملا عمر پټ ژوند) کې ادعا کړې چې د طالبانو بنسټګر د امریکا د تصور خلاف په پاکستان کې نه بلکې په زابل ولایت کې د امریکا یوې اډې (وولورین) ته نژدې پټ و.

د ولسمشر غني ویندوی هارون چخانسوري په یوه ټویټري پیغام کې لیکلي«موږ دا خیالي ادعا په کلکه ردوو او هغه طالبانو او د هغو ملاتړ کوونکو ته د هویت ورکولو او جوړولو یوه هڅه ګڼو.»

چحانسوري همداراز لیکلي«موږ کافي شواهد لرو چې ښيي دی (ملا عمر) په پاکستان کې اوسېده او همالته مړ شو.»

هالنډي لیکوالې اغلې دم، چې وايي د طالبانو د مشر په اړه پر څېړنې یې ۸ کاله لګولي، ادعا کړې چې ملا عمر هیڅکله په پاکستان کې نه و پټ شوی او د امریکایانو له اډې یوازې پنځه کیلومتره لېري اوسېده. خو هغه له دغه ځایه نه خوځېده ځکه چې بېرېده چې وبه نیول شي.

اغلې دم دا د امریکا د استخباراتو ناکامي بولي.

لیکوالې د ملاعمر د یوه ساتونکي جبار عمري پر څرګندونو زیات استناد کړی او ځینې څرګندې تېروتنې یې هم کړي دي. دا د ملا عمر د زوکړې ځای د زابل سیوری ولسوالي ښيي خو د طالبانو له لوري د ملاعمر د زوکړې ځای د کندهار د خاکرېز ولسوالي چاه هفت کلی ښودل شوی دی.

2,456 total views, no views today

onesignal_meta_box_present:
1
onesignal_send_notification:

5 comments

  1. ؋سيد سادات Reply

    دا کس يو خيالي شخص وو. خدای خبر چی په کومو استخباراتی کړييو پوری اړونده کس وو.

  2. شاهین افغان Reply

    ممکن کوم څوک به د ملا محمد عمر په نوم په کندهار یا زابل کې وو او جهاد به یې کړی وي . خو « امیرالمومنین ملا عمر مجاهد » په نوم د یو شخصیت موجودیت بیا کاملا یو ساختګی او تخیلي هویت دی.
    دا څنګه کېدای شي چې د افغانستان نژدې دریمه برخه مساحت د ټالیب له خوا فتحه شي ، پنځه کاله په یو لوی هېواد واکمني وکړي. فرمانونه صادر کړي . له هېواده یا له سلطنته « حمارته » وتښتي او 13 کاله نور هم د هغه د ژوندي پاته کېدو ادعا وشي . اما بیا هم دا څهره څوک ونه ویني او خلک یې په موجودیت شک وکړي.
    اروپاییان خوشباوره خلک دي او د افغانانو خصوصا د ټالیبانو له دروغو خبر نه لري. د ملا ذبیح له ښکرورو درواغو نه خبر نلري چې په یوه ورځ کې د افغانستان دولت ته سقوط ورکوي.
    زما په نظر دا هماغه کرنیل امام د فکیستان د استخباراتو یا آی اس آی پخوانی رییس وو چې پرځان یې ملاعمر تقلبي نوم ایښی او د افغانانو د وژلو لپاره یې مؤظف کړی وو.
    مونږ ته تاریخ د پیر کرم شاه یا لارنس انګریز یا د پلخشتي د جومات ملا امام هم یادونه کوي .

  3. pattang Reply

    هغه پاک وطني سړۍ چې ساده کلیوالي پښتو به یې وېیله او خبرې به یې کولې ما په خپلو سترګو لیدلی دی نو اوس به دا څرنګه کيږي زه درواغ وایم که دا نور نو چې داسې غله او اخلاقي غله وي نو دا وطن به څرنګه ابادیږي خو ټول په درواغو کې ژوند کوي !!! ولا حول ولاقوت

  4. A. Halim Hakimi Reply

    ” مونږ ته تاریخ د پیر کرم شاه یا لارنس انګریز یا د پلخشتي د جومات ملا امام هم یادونه کوي ”

    Ohhh you forgot the current sleeper cells, namely Peer Baghdad and the Estekhaara salesmen !!!

  5. غلام حضرت Reply

    زه پخپل ذهنی آرشیف کی د خلق د ګوند همدارنګه ملا عمر په هکله داسی هیښوونکی منظرې لرم چي تر اوسه زما هیڅ ګران وطنوال کوم بل ځای ندی لیدلی چي ورځ ئې راسی وړاندی به ئې کړم

Leave a Reply

Your email address will not be published. Required fields are marked *

۸