Categories

اعلان

Loading…

عمران خان که منظور پښتین د نوبل د جایزې مستحق دی؟

تاند- په داسې حال کې، چې یو شمېر خلکو د نوبل د سولې د جایزې لپاره د ټولنیزو رسنیو له لارې د پښتون ژغورنې غورځنګ د مشر منظور پښتین لپاره کمپاین پیل کړی، د پاکستان صدراعظم وايي، دا جایزه باید هغه چا ته ورکړل شي چې د کشمیر مسله حل کړي.

پاکستان له هند سره د کشمیر مسله ناحل شوې بولي او ادعا لري چې د هند کشمیر غضب شوی خو خپل کشمیر یې ازاد دی.

وروسته له دې چې پاکستان د هند یو پېلوټ خوشي کړ، د پاکستان پارلمان عمران خان ته د نوبل د جایزې د ورکړې غوښتنه وکړه خو ګڼ شمېر پښتنو بیا د پښتون ژغورنې د غورځنګ مشر منظور پښتین د نوبل د جایزې مستحق بللی چې په تش لاس یې د لسګونو زرو بېګناه بې درکه کړای شویو د خلاصون اواز پورته کړی او په عین حال کې یې د لسګونو زرو نورو د بې درکه کېدو مخه نیولې ده.

دوی لیکلي«موږ د پښتون تحفظ غورځنګ مشر منظور پښتین د ۲۰۲۰ د نوبل جایزې ته نوموو.

دی په پاکستان کې د زرګونو بې درکه شویو غږ اوچتوي، دی د سولې غږ پورته کوي. ده د بې محاکمې وژنو او د پښتنو په سیمو کې د جګړې پر ضد د عدم تشدد غورځنګ پیل کړی دی.»

د منظور پښتین لپاره د کمپاین پاڼه

په تېرو نژدې دوو کلونو کې، چې د پښتون ژغورنې غورځنګ پیل شوی، سره له دې چې دې غورځنګ له تشدد څخه کار نه دی اخیستی او د قانون په چوکاټ کې یې غوښتنې کړي، په ځلونو یې غړي نیول شوي او شکنجه شوي دي.

1,760 total views, 3 views today

onesignal_meta_box_present:
1
onesignal_send_notification:

6 comments

  1. Dur Aschna Reply

    منظور پشتین مستحق دی چه دنوبل جایزه باید ورکړی

  2. بریال Reply

    هوکې ،
    که داجایزه د سولې لپاره وي ، ځوان او ملي مشر منظور پښتین د زرګونو کسانو د ورکېدو او وژل کېدو د مخنیوي لپاره مبارزه کوي .
    که د وژنو لپاره وي بیا عمران خان به ولې د نوبل جایزې ته نه کاندید کيږي چې د فبرورۍ په 15 یې د هندې کشمیر په لوامه سیمه کې د خپل لاسپوڅي جیش محمد په لاس 46 هندي ملیشه پولیس ووژل.

  3. غلام حضرت Reply

    یاره نن سبا د نوبل د جائزې اصلیت هم زنګ ځپلۍ دی

  4. بشرمل الکوزی Reply

    که چیرته د نوبل د جایزې ورکړه سیاسي اړخ او دروغجنه ډرامه نه وي نو باید منظور پښتین ته ړرکړله شی، که عمران خان یی مستحق و بلل شی بیا نو ټړل تروریستان هم ددې جایزې حق دار بولم

  5. عالمونه غرقوينه Reply

    په دې دواړو کښې يو هم ده نوبل ده جائزې حقدار نه دې پشتين ده پښتنو قام يوې نوې غمېزې سره مخامخ کول غواړي او عمران خان چه ده خپلو مخالف سياستوالو سره ناروا چلند کوي او په رسنيو کښې چه ده هغوئ په خلاف کومې سپکې سپورې وائی هغه ډيرې بدې لګيږي او ده پاکستان سياسی نظام ته ګواخ پيخوي. ده دغې وجې دا دواړه ده جائزې اهلييت نه لری .

  6. m.n niaz Reply

    هو! منظور پشتون یی مستحق دی

Leave a Reply

Your email address will not be published. Required fields are marked *

۸