Categories

اعلان

Loading…

د پاکستان پر ځای به د ایران له هوايي مسیر څخه کار اخیستل کېږي

تاند- د افغانستان د هوايي ملکي چلند اداره وايي چې د هند او پاکستان ترمنځ د کړکېچ له کبله د پاکستان د هوايي قلمرو له بندېدو وروسته یې پرېکړه کړې چې له هند او یو شمېر عربي هیوادونو سره د افغانستان الوتنې به د ایران له هوايي مسیر څخه کېږي.

پاکستان خپل اسمان د ټولو هوايي شرکتونو لپاره منع کړی دی ځکه چې وېره لري چې هندي الوتکې به پرې بمباري وکړي.

پاکستان د چهارشنبې په ورځ د افغانستان د یوه خصوصي هوايي شرکت (کام اییر) یوه الوتکه، چې سپرلۍ یې هند ته رسولې، پرې نه ښوده چې د دغه هیواد له فضا څخه تېره شي.

په هند کې بند پاتې افغانان، چې اکثره د درملنې لپاره دې هیواد ته تللي، وايي چې اوس به د یو نیم ساعت پر ځای شاوخوا ۷ ساعته هوايي سفر کوي.

د افغانستان هوايي ملکي اداره وايي، تر څو چې د پاکستان ستونزه حل کېږي موقتاً به هند او یو شمېر عربي هیوادونو ته د تګ راتګ لپاره د ایران له هوايي قلمرو څخه کار اخلي.

د هند او پاکستان ترمنځ کړکېچ یوازې د افغانستان هوايي شرکتونه یا افغانستان ته تلونکې الوتکې نه دي اغېزمن کړي، بلکې د نړۍ کڼ نور هوايي شرکتونه یې هم اغېزمن کړي دي.

د تایلنډ هوايي شرکت د پنجشنبې په ورځ اعلان وکړ چې پاکستان ته او د پاکستان د هوايي له هوايي لارې یې اروپا ته الوتنې لغوه کړي چې له کبله یې په زرګونه مسافر په بنکاک کې لالهانده شوي دي.

تر دې وړاندې پرون د بحرین او متحده عربي اماراتو هوايي شرکتونو هم اعلان کړی وو چې پاکستان ته یې لږترلږه د دوو ورځو لپاره الوتنې لغوه کړي دي.

د قطر او سینګاپور هوايی شرکتونو هم ویلي چې پاکستان ته یې الوتنې ځنډولي دي.

د بریتانیا بریټش اییروېز هوايي شرکت ویلي چې پاکستان ته روانې الوتکې یې خپل مسیر بدل کړ.

د کاناډا هوايي شرکت پرون وویل چې موقتاً یې پاکستان ته الوتنې لغوه کړي دي.

1,311 total views, no views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸