Categories

اعلان

Loading…

پاکستان د افغانستان یوه الوتکه پرې نښوده چې هند ته لاړه شي

تاند- پاکستان نن /چهارشنبه/ د افغانستان د یوه خصوصي هوايي شرکت الوتکه پرې نښوده چې د دغه هیواد له فضا څخه تېره او هند ته لاړه شي.

د کام اییر خصوصي هوايي شرکت مسوولان وايي چې پاکستان د دوی د مسافروړونکې الوتکې مخه ونیوله او مجبوره یې کړه چې بېرته کابل ته راشي.

د دوی په وینا پاکستان تر نامعلومې مودې پورې هند ته پر تلونکو الوتکو خپل فضايي قلمرو بند کړی دی.

د افغانستان د ملي هوايي چلند اداره هم تاییدوي چې پاکستان له هندوستان سره د کړکېچ له کبله خپل هوايي قلمرو پر هغو الوتکو منع کړی چې هند ته ځي.

په همدې حال کې د پاکستان د ملکي هوايي چلند د ادارې چارواکو ویلي چې تر سبا (پنجشنبې) پورې د دوی فضايي قلمرو پر ټولو تجارتي الوتنو بند دی.

له بلې خوا رویټرز خبري اژانس وايي چې متحده عربي امارت افغانستان او پاکستان ته ټولې الوتنې ځنډولي دي.

د بحرین هوايي شرکت (ګلف اییر) پاکستان ته ټولې الوتنې ځنډولي دي او همداراز یې ویلي چې له پاکستانه ورتلونکو الوتکو ته هم اجازه نه ورکوي.

خو اماراتو ویلي چې نن او سبا به یې الوتکې افغانستان او پاکستان ته پرواز ونه کړي.

1,373 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸