Categories

اعلان

Loading…

ولسمشر غني موقت حکومت د پردیو طرحه وبلله

تاند- د افغانستان ولسمشر محمد اشرف غني د موقت حکومت نظر رد کړ او ویې ویل چې د افغانستان ولسمشر بیا به هم د افغانانو له لوري انتخاب شي نه د ایرانیانو، پاکستانیانو او روسانو له لوري.

ښاغلي غني په ارګ کې یوې غونډې ته وویل، سوله راتلونکې ده او افغانان نه غواړي چې په ماضي کې واوسي.

د ارګ له خبرپاڼې سره سم، چې نن یې خپره کړې، ولسمشر تاکید وکاوه چې د افغانستان ولسمشر د افغانانو له لوري انتخابېږي نه د ایران، پاکستان او روسیې له خوا.

ویل کېږي چې پاکستان او روسیه په ځانګړي ډول په افغانستان کې د موقت حکومت د جوړېدو غوښتونکي دي. د روسیې په مرسته د مسکو په وروستۍ غونډه کې هم د موقت حکومت غوښتنه مطرح شوه.

خو ښاغلي غني وویل«د افغانستان ولسمشر د افغانانو له خوا غوره کېږي او اسلام اباد، تهران او مسکو حق نه لري چې افغانستان ته ولسمشر وټاکي. هغوی چې له ولس څخه بېرېږي د موقت حکومت خبرې کوي، پردۍ او له هیواده دباندې جوړه شوې طرحه په دې هیواد کې ناکامه ده.»

ښاغلي غني همداراز وویل«موږ وتوانېدو چې نړۍ سولې ته راضي کړو خو ایا طالبان قاچاقبرانو او تروریستانو ته قناعت ورکولی شي چې د افغانستان پرمختګ او ثبات ومني؟»

ده، چې د لوی کندهار له ځوانانو سره خبرې کولې، زیاته کړه«سوله د کاغذ پر مخ نه راځي، باید یو بل ومنو او د افغانستان د راتلونکې لپاره پلان او طرحه ولرو. د هلمند د سولې کاروان راغی او د هغوی په غوښتنه ما له دوی سره د سړک پر سر ولیدل، د هغوی غوښتنې مې واورېدې، اوس کوټې ته لاړ شئ او طالبانو ته ووایاست چې موږ له ولسمشر سره ولیدل او هر وخت یې لیدلی شئ، تاسو ولې زموږ سره نه وینئ او زموږ غوښتنې نه اورئ.»

1,101 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸