Categories

اعلان

Loading…

د افغانستان د بهرنیو چارو وزارت په کابل کې د پاکستان سفیر احضار کړ

تاند – د افغانستان د بهرنیو چارو وزارت نن چارشنبه /د حوت ۱/ په کابل کې د پاکستان سفیر، زاهد نصرالله، د هغه د تېرې ورځې د څرګندونو له امله احضار کړ او د افغانستان د حکومت اعتراض لیک یې ورته وسپاره.

د پاکستان سفیر د سې شنبې په ورځ /د دلوې ۳۰مه/ په کابل کې خبریالانو ته ویلي وو چې که د پاکستان او هندوستان تر منځ جنګ ونښلي دا حالت به د افغانستان د سولې په روانو هڅو ناوړه اغېز وکړي خو دا یې نه وه په ډاګه کړې چې ولې به دا کار وشي.

د پاکستان او هندوستان تر منځ تاوتریخوالی وروسته له هغه ډېر شو چې د پاکستان له خوا ملاتړ کېدونکې یوې ترهګرې ډلې په هندوستان کې په یوه ترهګریز برید کې له څلوېښتو څخه ډېر هندي عسکر ووژل او هندوستان یې سخت په غوسه او غبرګون ته اړ کړ.

ویل کیږی، چې د پاکستان د استخباراتي ادارو او ملاتړ کېدونکو افراطي سازمانونو له خوا په ۷۲ ساعتونو کې دننه د دغه هېواد په درې ګاونډیانو؛ هندوستان، افغانستان او ایران کې ترهګریزې پېښې ترسره شوې.

په یوه ترهګریزه پېښه کې یې هندي عسکر ووژل او په بله کې یې ایراني عسکر ووژل خو افغان ځواکونو هغه لارۍ ونیوله چې پاکستان په کې د چراټ سمنټ په نامه بوریو کې افغانستان ته د برید کولو لپاره چاودېدونکي توکي رالېږل.

ویل کیږي چې پاکستان له نژدې ۴۴ کالونو راهیسې د افغانستان د ورانولو او د افغانانو د وژلو لپاره ترهګر تربیه کوي او تمویلوي خو تل له خپل دغه کار څخه انکار کوي.

1,611 total views, 3 views today

onesignal_meta_box_present:
1
onesignal_send_notification:

1 comment

  1. عبدالله Reply

    د پاکستان د جوړېدو او تر نن پورې د پاته کېدو فلسفه پر ترهګرۍ ولاړه ده.
    له زاهد نصرالله نه باید وپوښتل شي چې له طالبانو سره د افغانستان د اسلامي دولت سوله او مذاکرې ستاسو او د هند له جنجال سره څه اړیکه لري؟
    د سفیر څرګندونې د طالبانو په ملاتړ او د افغانستان په کورنیو چارو کې د پاکستان په ښکاره مداخله اعتراف دی.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2