Categories

اعلان

Loading…

ولسمشر غني له مایک پینس او انګیلا میرکل سره د افغانستان پر حالاتو خبرې وکړې

تاند- د افغانستان ولسمشر محمد اشرف غني د شنبې په ورځ د مونښن د امنیتي کنفرانس په څنګ کې د جرمني له صدراعظمې او د امریکا له مرستیال ولسمشر سره ولیدل.

د ارګ له خبرپاڼې سره سم ولسمشر غني پرون /شنبه/ مازدیګر د مونښن د امنیتي غونډې په څنګ کې د امریکا له مرستیال ولسمشر مایک پینس سره د جنوبي اسیا لپاره د امریکا د ستراتیژۍ پر بریالیتوب، د افغانستان د انتخاباتي اصلاحاتو او د سولې پر پروسې خبرې وکړې.

ښاغلي پینس وویل، امریکا ژمنه ده چې افغانستان به دې ته نه پرېږدي چې بیا د تروریستانو پر ځالې بدل شي.

ده هیله څرګنده کړه چې د سولې لپاره د طالبانو او  امریکا په خبرو کې د افغانستان حکومت هم ګډون وکړي.

ټاکل شوې ده چې د دغو خبرو بل پړاو ژر په اسلام اباد کې دایر شي.

د ارګ له خبرپاڼې سره سم د امریکا مرستیال ولسمشر همداراز د شفافیت د رامنځته کولو لپاره د انتخاباتي اصلاحاتو، د انتخاباتي کمیسیونونو د اعتماد د زیاتېدو او د سولې د مشورتي لویې جرګې د دایرېدو په اړه د ولسمشر غني د اقداماتو ستاینه وکړه، ویې ویل چې په افغانستان کې د ولسمشرۍ د انتخاباتو هراړخیز ملاتړ کوي.

ښاغلي غني د ناټو له سرمنشي، د امریکا د کانګریس له مشرانو، د ناروې له صدراعظمې، د اروپايي اتحادیې د بهرنۍ پالیسۍ له مشرې او ګڼو نورو مشرانو سره د افغانستان په اړه خبرې وکړې.

راپورونه وايي چې د جرمني د مونښن په نړیوال کنفرانس کې دا ځل تر وروستیو څو کنفرانسونو افغانستان ته زیات پام اوښتی دی.

د افغانستان محمد اشرف غني د کنفرانس د کوربه هیواد جرمني له صدراعظمې انګیلا میرکل سره پرون /شنبه/ د سولې پروسې، بین الافغاني مذاکراتو، سیمه ییزې همکارۍ او د افغانستان د انکشاف او ثبات خبرې وکړې.

د ارګ له خبرپاڼې سره سم، په دې کتنه کې د جرمني صدراعظمې وویل، هیواد یې د افغانستان د حکومت په رهبرۍ او مالکیت د سولې پروسې ملاتړی او د سولې د موافقې د تطبیق په برخه کې هر ډول همکارۍ ته چمتو دی. هغې زیاته کړه، جرمني به د ستراتیژیک نړیوال شریک په توګه د افغانستان د حکومت او خلکو تر څنګ وي.

ولسمشرغني له افغانستان سره په بېلابېلو برخو کې د جرمني د سخاوتمندانه مرستو او د افغانستان د حکومت په مشرۍ او مالکیت د سولې د پروسې د ملاتړ او د همکاریو د دوام مننه وکړه.

مېرمن میرکل پرون د مونښن کنفرانس ته په وینا کې له افغانستان او سوریې څخه د ځواکونو ژر ایستل د پوړښتنې وړ وبلل.

1,347 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2