Categories

اعلان

Loading…

د هيپاټايټس بې وایرس ولې مضر دی- واکسین څومره ګټور دي؟ 

ليکنه ثناءالله سليم

افغانان د نورې نړۍ په نسبت زيات په ساري ناروغيو اخته کېږي، ځکه له يوې خوا غريب او له بلې خوا شخصي او محيطي حفظ الصحې ته پاملرنه نه کوي.

 تراوسه لا افغانان د وږیو، محتاجو، نالوستو او بې اتفاقه ملتونو په قطار کې دي، دغه ولږه او بدمرغي ده چې افغانان یې له يو بله جلا کړي او په طبي برخه کې یې له لویو ننګونو سره مخامخ کړي.

دهيپاټايټس بې وایرس چې عام خلک یې تور زیړی  بولي يوه ساري ناروغي ده چې له يو انسان نه بل انسان ته که شرايط ورته برابر شي په اسانۍ انتقال مومي.

هغه کسان چې په دغه ناروغۍ اخته وي روغو کسانو ته په لاندې ډول ناروغۍ انتقالولای شي.
د جنسې يوځای والي پواسطه لکه:
ښځې نه سړي ته، دسړي نه ښځې ته، همجنس بازان .
دمور څخه ماشوم ته:
دامیدوارۍ پرمهال، دزېږون پر مهال .
دوینې پواسطه:
دوینې انتقال، مشترکې ستنې او سرنجونه استعمالول ، منتن جراحي او طبي وسايلو استعمالول
خال وهنه او غوږونو سوري کول او ترافيکي پېښو پواسطه.
.
په افغانستان کې دهيپاټايټس بي وایرس چټک او زر خپريدو خلک له لوی ګواښ سره مخامخ کړي.
که څه هم په افغانستان کې ددغه وایرس دمخنیوی لپاره دروغتيا پالانو لخوا هڅې شوي خو بدبختانه اوس هم دغه وایرس په افغانستان کې په بې ساري ډول وجود لري او لا هم خپرېږي يا خو دغه ناروغي خلکو ته عادي ښکارې او یا ددغه ناروغۍ دمضروالي په اړه معلومات نه لري او حال داچې  هر کال په نړۍ کې ډېر کسان دهمدغه وژونکې ناروغۍ له امله خپل ژوند له لاسه ورکوي.

خوپه افغانستان کې دوه لسېزو څخه زیات جنګ،دسواد دکچې کموالي ،په بېساري ډول دغربت موجوديت، داخلې او خارجي مهاجرتونه، دمخدره موادو شتون، خلاص سرحدات، او دزرقي معتادینو دشتون د زیاتوالي له امله دهيپا ټایټس بې وایرس پيښې زیاتې شوی.

په افغانستان کې خلک ددغه وژونکې ناروغۍ په مقابل کې واکسينو کولو ته اهمیت نه ورکوي.

چې واکسين يې يو ډېرد مهم ترينو واکسينونو له جملې څخه  دي، چې قیمت يې نسبتاً ارزانه خو ګټې يې ډېرې زياتې دي.
دغه واکسين دمختلفو کمپنیو له خواجوړېږی چې دوز يې کله  دانسان بدن ته لګول کېږي له څلورو څخه تر شپږو مياشتو پورې وخت نېسي کله چې واکسین وشي ددې په مقابل کې چې کوم معافیت تولېدېږي تر ديرشو کلنو دوام کوي.

خو ځينې وخت په هغه کسانو کې چې دهيپاټايټس بې په مقابل کې معافيت په اسانۍ سره نشي جوړولای پنځه کاله وروسته د يوې ستنې د لګولو ضرورت شته خو بايد په ياد ولرو کله چې دهيپاټايټس بې وایرس په مقابل کې دځان ساتنې په پلمه واکسين کېږی بايد مخکې له مخکې ورته تسټ اجرا شي په کومو حالاتونو کې  که تست مثبت شي باید دواکسينو د لګولو څخه ځان وساتل شي ځکه واکسين په هغه حالت کې انسان ته تطبقيږي چې انسان په هيپاټايټس بې وايرس مصاف شوی نه وي .

1,115 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2