Categories

اعلان

Loading…

نارسيزيم | محمد ياسین اديب

د نارسيزم اصطلاح په ارواپوهنه کې د لومړي ځل لپاره د زيګموند فرويد  لخوا په اتلسمه پېړۍ کې وکارول شوه. د دې کليمې ریښه له لرغوني یونان سره تړاو لري. هغه داسې چې په لرغوني يونان کې د (نارسيوس) په نامه يو ښکلی ځوان و، ده خپلې څېرې ته دقيق نه و کتلي، یوه ورځ په لاره روان و، چې خپله څېره يې په اوبو کې وليده؛ نو پر ځان دومره ميين شو چې بل څوک يې نه ليدل او د ځان په مينه کې تل غرق و، د همدې مينې له کبله په ډېر خفګان اخته شو او د همدې خفګان له امله ومړ. وروسته په ادبياتو او ارواپوهنه کې دې ناروغۍ ته نارسیزم او په دې ناروغۍ اخته انسان ته نارسیست وويل شو.

د ارواپوهانو په اند دا يوه اروايي ناروغي ده، چې انسان له ځان سره د بې حدې مينې په پايله کې پرې اخته کيږي. په دې ناروغۍ اخته کسان تل ځانونه ګوري او په نورو باندې نظر هم نه کوي.

ځينې وايي چې له ځان سره مينه کول فطري ده، دا خبره هم تريوه بريد سمه بريښي؛ خو کله چې دغه مينه له حده واوښتله؛ نو په ناروغۍ اوړي. کټ مټ د خفګان په شان. هر انسان خفه کيږي، خو ځينې پکې افراط کوي، چې د وخت په تېرېدو سره په ژور خپګان، چې يوه اروايي ناروغي ده، اخته کيږي، چې په نړۍ کې بې‌شمېره انسانان د همدې ناروغۍ له امله د مرګ په بستر څملي.

لکه څنګه چې مو وويل، په دې ناروغۍ اخته کس ته (نارسیست) وايي. نارسیستان تل د ځان په خيال کې وي او تل غواړي چې هرڅه د دوی وي او نورو ته ښه نظر نه کوي. ارواپوهان وايي چې انسان د خپل قدر د پوهېدو او پرمختګ لپاره بايد له نورمال نارسیزم څخه برخمن وي. يعنی دومره په ځان ميين نه وي چې نورو انسانانو ته په هیڅ سترګه وګوري؛ نو بايد منځلاری واوسي.

د نارسیيزم په ادبياتو کې ډېر لیدل کېږي، د کوزې پښتونخوا خلک په ادبياتو کې ورته (نرګسیت) وايي. نارسیست شاعران هم ډېر دي، چې ټول شعرونه يې د نرګیسیت رنګ لري، چې هرکله د دوی شاعري ولولئ، نو د هر بیت او د هرې مسرې شاته به شاعر ناست وي. او ټوله شاعري به يې د ځان په اړه کړي وي، لکه څنګه چې مې مخکې وويل نرګسیت بايد نورمال وي نه دومره زيات وي چې انسان اسمان په دبرو وولي او نه دومره پيکه وي، چې انسان د کمترۍ احساس وکړي او ځان ورته کم‌عقل ښکاره شي.

په دې ناروغۍ اخته کسان تل د ځان په اړه فکر کوي، دوی تل وايي چې په نړۍ کې يوازې موږ يو او هېڅوک موږ ته نه شي رسېدای.

دوی تل د قدرت تږي وي او تر خپل لاس لاندې انسانان تر خپل اغيز لاندې ساتي، خپلې خبرې په چل او فرېب باندې پر دوی مني، په هرکار کې له مکر او چل څخه کار اخلي خو دېری کسان په دې نه پوهېږي چې دوی نارسیست (په ځان مين) دي.

په دې ناروغي اخته کسان، کېدای شي په کورنۍ، ټولنه، يوه اداره او يا په نورو ځايونو کې وي، خو تل به دوی ځانونه له نورو لوړ ګڼي همدغه لوړ ګڼل د دوی د قدرت ټکي دي. که په کورنۍ کې وي دوی تل د کور هر څه د ځان  ګڼي او نور ورته هېڅ نه ښکاري او ټولو ته د نوکر خيال کوي.

په ټولنه کې هم دغه خلک تر سترګو کيږي. دوی هر ځای يوازې ځان ويني او هره غونډه کې بايد د دوی خبره واورېدل شي که نارسیست يوه خبره کوي بايد بل څوک د ده په خبره باندې بله خبره ونه کړي. يو نارسیست د خپل کار په چاپيريال او د دندو په ترسره کولو کې داسې مبالغه کوي، چې ته وا په ټوله نړۍ کې يوازې هغه د دې کار د ترسره کولو توان لري. تل غواړي چې د ټولنې قدرت په لاس کې ولري.  په دې ناروغۍ زياتره هغه مشران اخته وي، چې يوه مقام کې دي او څو کسان يې تر لاس لاندې دي. د مشري غوښتل او ځان غټ ښودنه د نارسیست له ځانګړنو څخه دی. دغه ځانګړنې د دې سبب کيږي، چې هغه ځان مهم وګڼي او له دې ځان ښودنې نه خوند واخلي.

نارسیست له خپلې ناکامۍ نه ډېر ډاريږي او له دې نه هم په وېره کې وي چې که زما خبره ونه منل شي؛ نو زه به د ټولو مخکې سپک شم او بيا به مې هغه قدر او قیمت نه وي.

نارسیستان دېر ځان ښوونکي دي، يوازې د شخصي ګټو له پاره له نورو سره اړيکه ټينګوي او په دروغ ويلو کې داسې مهارت لري، چې ظاهرا يو عادی انسان ته ورته وي او ډېر لږ کسان به وکولای شي د دوی کړنې وپېژنې. هغوی ښه لوبغاړې دي او په دې قادر دي چې لکه اوه رنګه مارانو غوندې ځان په اووه رقمه جوړ کړي.

نارسیست  داسې چارې ترسره کوي او داسې خبرې بيانوي، چې د عادي خلکو په فکر کې هېڅ نه ګرځي. له دې کبله يو نارسیست، د ټولې نړۍ خلک پرته له ځانه بې عقل او ليونی ګڼي. نارسیستان کولای شي ډېر خطرناک واواسي، ځکه چې د دوه ګوني شخصيت درلودونکي دي او کله چې اوضاع  د دوی له کنټروله ووځي دوی وحشي کيږي او خشونت ته لاس اچوي..

اخيرنيو تحولاتو ته په کتو او د يو ساده تحليل په پایله کې دې نتیجې ته رسيږو، چې په  زياتره هېوادونو کې قدرت د نارسيستو حاکمانو په لاس کې دی. دغه حاکمان تل د خپل قدرت د پایښت لپاره په هېڅ کار باندې صرفه نه کوي. کله چې يو نارسیست له چا سره ښکېل شي له دې ډاريږي چې حالت یې له کنتروله  ونه وځي نو داسې کارو ته لاس کوي، چې د عادي انسانانو له توانه وتلي دي

که دغه کسان له دې ناروغۍ نه ځانونه ونه ژغوري لکه څنګه مو چې وويل دغه کسان اړ دي چې د نورو لخوا ومنل شي او کله کوم شرايط چې دوی غواړي پوره نشي، دوی ته دېر زيان اړوي او په ژور خپګان باندې اخته کيږي. دوی بايد ارواپوهانو ته ولاړ شي او د هغوی د مشورو په پایله کې ځان له دې ناروغۍنه وژغوري.

1,263 total views, 2 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2