Categories

اعلان

Loading…

بيګا مې عجب ګډوډ خوب وليد

پاچا- کليفورنيا – امريکا

نهم فبروری ۲۰۱۹

دا خوب تيره شپه ما په رشتيا ليدلی دی، لکه څنګه چې خوب ګډوډ وو، فکر کوم چې تعبير به یې هم ګډوډ وي او زما په ليکنه کی به هم ډيرې ګډې وډې وګورئ. خوب مې ليده چې حامد کرزی ولسمشر دی او زه ارګ ته ورغلی يم عريضه مې ورته ورکړه، په عريضه يې امر راکړ او کله مې چې دا عريضه په پيښور کې يو دوکاندار ته يوړه، دوکاندار ټماټر (رومي بانجان) راکړل چې بيه يې شپږ ډالره او پينځه اويا سينټه (۶.۷۵) شوه. دا نو عجبه خبره وه، د کابل ارګ ته ګوره او د پيښور په کوڅو کی دوکاندار ته. هغه د فارسي متل دی”ده  کجا و درختها کجا”۔ ګورم چې کرزی ولاړ دی اوازه شوه چې اعلحضرت راغی، کرزی منډه کړه، لږ ساعت وروسته ګورم چې کرزی په کونج کی د يو سړي سره چې کرزی ته مخامخ ولاړو په خبرو لګيا دی زه چې لږ ورنيږدې شوم ګورم چې کرزی له يو پنجشيري سره ولاړ دی، خبرې نه اوريدل کیدې خو پنجشيری چې د قره قل ګرده خولۍ یې په سر اوخړه چپنه یې په اوږو اچولی وه او دواړه سره په خبرو وو، خدای شته چې په همدغه خوب کی ددغه پنجشيری په ليدو راته د سری چوک جيب وهوونکي (کيسه بران) را ياد شول دغه کيسه بران به له سهاره تر ماښاما په سری چوک کی ښکته پورته ګرځيدل او د ساده لوحو خلکو جيبونه به یې وهل د کيسه برانو بله خوشحالی په کابل کی د جشن په وخت کی وه  ګردي خولۍ به یې په سر وي او د جشن په وخت کی به یې په حضوری چمن کی د خلکو او په ځانګړی ډول دهغه خلکو جيبونه وهل چې د اطرافو څخه به د جشن د خوشحاليو لپاره راغلي وو چې ژوندی مثال یې د “کونډی د زوی ډرامه ” ده۔

بيا ګورم چې کرزی د ارګ په طرف روان دی او د هغه نه مخکی د هغه د کابينی کوم  وزير منډي وهي او زما يو تالی (پيشقاب) یې په لاس کی دی ما ورغږ کړ پيشقاب چيری وړی؟ ويل یې دا زما دی، ما ورته کړه په پرديو پيشقابونو خپل لمبر پليټ مه لګوه

حامد کرزی زما د ځوانۍ ملګری و، په څلورمه کارته (کارته چهار) کی اوسيدو زمونږ يو کابلی ملګری چې کور یې په ګذرګاه کی و او دوکان یې په څلورمه کارته کی د رابعه بلخی ليسی تر څنګ وو، زه او کرزی او ځينې نور ملګری لکه مرحوم ولی خان کړوخيل او نور کابليان به په دغه دوکان کی د شپی تر ناوخته پوری ناست وو، او هغه د کندهاريانو په اصطلاح  بنډارونه او منجلسونه يعنی مجلسونه به مو کول او تر نيمو شپو به هلته ناست وو او ټوکې ټکالې به مو کولې دا نود خدای بخښلی پاچا ظاهر شاه اووروسته د شهيد داود خان د آرامۍ او سوکالۍ وختونه وو چې بيا به هيڅکله راونه ګرځې ،دا په غالب ګمان ۱۳۶۹ او يا ۱۳۷۳ کلونه وو ،وختونه تيريدل مونږ د يو بل څخه جدا شو چې بيا ورپسی د کميونستانو وخت راغی اوزه د يو څه وخت بنديخانی تيرولو څخه وروسته پيښور ته کډوال يعنی مهاجرشوم چې وروسته المان ته راغلم.د طالبانو وخت راغی چې هغوې هم ډيري ناکوبۍ وکړې.په کال۱۹۹۷ کی د جرمنی د بن په ښار کی د المان د حکومت لخوا يو کنفرانس جوړ شو چې د افغانستان ځينو سياستوالو که هغه په بهرنيو هيوادونو کی وو او يا په ګاونډيو هيوادونو کی کډوال وو دغه کنفرانس ته رابلل شوي وو چې ځينی وتلي څيرې چې زما يادي دي لکه حامد کرزی، عبدالستار سيرت، هدايت امين ارسلا چې د مرحوم ولی خان کړوخيل په کور کی مو سره وپيژندل او تر يوی اندازی مو رسمی ملګرتيا لرله او اوس هم ملګري يو، مرحوم عبدالحق، پرو فيسور رسول امين، انوارالحق احدی، اسحق ګيلانی زما د وړکتوب ملګری، ډاکټر رحيم پښتونيار،ملی خاين سيد مخدوم رهين، سعيد فيضی چې يو وخت مو سره په سره مياشت کی يو ځای کار کوو، د اعلحضرت لمسی مصطفی ظاهر او داسی نور.ما د هغو کسانو سره چې پيژندل می په ډيره مينه ښه راغلاست او روغبړ وکړ.په دی وخت کی کرزی صاحب ته ورنږدی شوم او د ښه راغلاست څخه وروسته می هغه پخواني يادونه او د کارته چهار د ابراهيم دوکان يادونه وکړه کرزی صاحب ډير سوړ برخورد وکړ او هغه د ايرانيانو په اصطلاح “ما را تحويل نګرفت” دا هغه وخت وو چې کرزی کومه وظيفه نلرله او ما هم ورڅخه کومه طمعه نلرله زړه کی می ويل چې دلته خو کومه طمعه او توقع نشته نو ولی داسی وشی نو هلته می د کرزی څخه لاسونه ووينځل،  دلته راته د صوفی شاعر رحمان با بادوه شعرونه را په ياد شو

چې دی طـمـعـه د مـخـلوق د دره پـريکړه    بــادشـاهی دی مـبـارک شه کـه ګـدا یې

بل شعر

قـنـاعـت مـی د خــرقـی لاندی اطلـس دی    په ظاهر باندی ګدا په باطن کی لوی پاچا يم

ښه اوس به راشو د  ماسکو غونډی ته چې په اصطلاح د روس ميشته افغان کډوالو لخوا جوړه او طالبانو او د کابل د حکومت مخالفو ډلو ته یې د ګډون بلنه ورکړی ده. لومړی خو هيڅ عقل سليم دا نشی منلی چې روس  ميشته افغانان دی دا قدرت، صلاحيت او جرآت ولری چې د افغانستان په داسی مهمو قضاياو کی دی ددی جوګه او مطلق واک ولری چې داسی يو کنفرانس ته ضمينه برابره کړی، سترګي بايد پټي نه کړو چې روسيه د پخوانی شوروی اتحاد ځای ناستی او ټول جاسوسی سازمان یې د پخوا په پر تله  ډير زيات فعال دی. د ساړه جنګ په وخت ټول ابعاد معلوم وو خو هغه د چا خبره اوس د نام نهاد او قلابی تروريزم په نامه چې دا هم ددوي يعنی لويو قدرتونو زيږنده اوپديده ده اودا ناورين همدی لويو قدرتونو چې په سر کی یې اسرائيل، امريکا او انګلستان واقع دي  په غير مستقيم ډول د اسلامی نړۍ د ښکيلاک لپاره ډرامه جوړه کړيده دوي غواړی چې ټوله نړۍ د تروريزم تر نامه لاندی کچړی قروت کړی بله کومه خبره نشته

روسيه، ايران او پاکستان او که حقيقت سره ووايو ټوله نړۍ د پښتنو سره ابدی دښمنی لری، ځکه همدا پښتانه وو چې د لوی سکندر څخه رانيولی د دنيا د ټولو ښکيلاکګرو ځواکونو سره د خاوری او ارضی تماميت په خاطر جنګيدلی او اوس د  امريکایې زبر ځواک په مقابل کی په جنګ او مبارزه اخته دي سړی نه پوهيږی چې دا د حق مبارزه به تر څه وخته او څومره دوام وکړی، خو هغه متل دی چې وایې انسان په خپل وس پړ دی، ځکه چې د پخوا په نسبت د جنګ روحيه د پرمختيايی  ټکنالوژۍ پر اساس بدلون موندلی او پښتانه جنګيالي ددغسی پرمختيايی ټکنالوژۍ څخه بی برخی دي، خو بيا هم حوصلو او قربانيو ته یې بايد د تسليم سر ټيټ شی

د ماسکو په غونډه کی د جمعيت او شورای نظار لنډغران او نور خاينين لکه محقق، عطا نور، اسمعيل خان، پدرام او نور ليدل کيږی چې د روسیې سره یې د ملی خاين مسعود پنجشيری د وخت راهيسی خاينانه روابط ساتل او دا لړۍ لا تر اوسه هم روانه ده، عجبه خبره داده چې جمعيت او د شورای نظار سکتارستی ډله د روسیې، ايران او پاکستان سره د افغانستان په تجزيه کی ښه کلک روابط لری چې په دی باندی غربی نړۍ چې د امريکا لخوا یې رهبری په غاړه ده پوره واقف او خبر دي خو سره ددغه ټولو منحوسو روابطو چې ددغه هيوادونو سره یې لری بيا هم امريکا او ملګري یې سترګي پټوی ښکاره خبره ده چه دلته د پښتنو د محوه او ورکولو خبره مشترک ابعاد لری او د پښتنو په ورکولو کی سره ټول دشمنان د يو بل همنوا دي، سياست هم عجيبه دی چې ځينی ښه پوهيږی خو د ويری (ډار)او شخصی ملحوظاتو پر بنا هيڅ نشی ويلی، چې داد پښتنو او افغانستان سره لوی جنايت او خيانت دی

دی کی شک نشته چې يونس قانونی ډير ښه خبرلوڅ او نطاق دی چې د ماسکو په غونډه کی یې بدون د کاغذ له مخی خبري وکړي خو ايکاش چې پنجشيری، شورای نظاری او جمعيتی نه وای، قانونی ډير ابن الوقت او پښتون دشمن  شخصيت دی شخصيت خو نلری، سره ددی چې دده ميرمن پښتنه ده اود عبد الستار سيرت ميرمن هم پښتنه ده چې دواړه سره سانډوان (باجه ګان) دي، سيرت بيا هم افغانی او ملی بيلانس او موازنه ساتلی ده، خو لکه څرنګه چې قانونی د مسعود پنجشيری پسمانده خور دی نو هميشه د هغه په نقش قدم روان دی. دلته يوه تاريخی خبره چې پخپله مسعود پنجشيری د قانونی په باره کی کړيده بيانوم. وایې يوه ورځ مسعود پنجشيری د بی بی سی د خبر نګار سره مرکه يعنی مصاحبه درلوده، مسعود او خبرنګار په کوټه کی دننه ناست وو او قانونی د کوټی نه بهر و، وایی چې خبرنګار د مسعود څخه د قانونی په باره کی پوښتنه وکړه، مسعود په جواب کی وويل، که چيری قانونی ته قدرت په لاس ورشی نو افغانستان په لس ډالره خرڅوی، رشتيا خبره ده چې مسعود افغانستان د ميلونونو ډالرو په مقابل کی مزايدی ته وړاندی کړی وو خو ارمان یې ګور ته يوړ او مردار شو، خدای دی وکړی  د افغانستان ټول ملی خاينان د ملی خاين مسعود په سرنوشت ګرفتار او افغانستان د دوي د شر څخه په امان شی

قانونی داسی نمک به حرام انسان دی چې د کرزی د ټولو احساناتو سره سره چې دی یې د د وزارتونو او خپل معاونيت مقام ته رسولی و خو سره ددغه ټولو احساناتو هميشه کرزی ته د کوس مادر خطاب کوی، د ماسکو په غونډه کی کرزی او قانونی څنګ په څنګ ناست وو او کرزی د قانونی د خبروپه تائيد کله کله غمغم او سر خوځوی ، زه د کرزی صبر او حوصلی ته حيران يم چې ددغه ټولو بی احتراميو سره چې د قانونی او نورو شورای نظاريانو لخوا د هغه په مقابل کی تر سره کيږی بيا هم کرزی هغه ناديده ګڼی او د صبر او تحمل نه کار اخلی، هغه د کابليانو په اصطلاح  خود را به کوچۀ حسن چپ ميزنه (عجب صبريکه خدای من دارد)

را به شو د ماسکو د غونډی عواقبو ته ايا د دې غونډی اخير به څه وي؟ په ظاهر کی داسی ښکاری چې افغانستان ته به سوله راشی خو ايا په واقعيت کی، ايا طالبان به د دې جوګه شی چې د کابل ارګ ته ځان بيا ورسوی او که د پلو لاندی مولۍ ده. ولسمشر ټرمپ ملت ته په خطاب کی د امريکا د نورو ولسمشرانو لکه بش او اوباما په نسبت د طالبانو په مقابل کی نرم دريځ اختيار کړ او طالبان یې په بد نوم یاد نکړل. انشټاين يو وخت ويلی وو چې د کيميا فورمول اسان دی خو په سياست کی هميشۀ نوسانات،تغيرات او بدلونونه راځی، و به کتل شی چې څه به واقع شی، داسی غونډي به کله هلته او کله دلته رواني وي، خو زه وايم چې هسی نه ددی غونډو څخه لکه زما د خوب په شان د پيښور د کوڅو خوسا ټماټر رانه وځی.

1,087 total views, 1 views today

onesignal_meta_box_present:
1
onesignal_send_notification:

2 comments

  1. دوکتور غروال Reply

    محترم پاچا صاحب ډیر اعلی خوب دی لیدلۍ دی!! امید دی چی وروسته هم داسی ښه خوبونه ولری !! ددی په ارزو، خوښ او ارام اوسی

  2. zahra zafar Reply

    ددی په ارزو، خوښ او ارام اوسی

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2