Categories

اعلان

Loading…

له پر له پسې واورو وروسته د سالنګ لار پرانیستل شوه

تاند- سره له دې چې پر هندوکش وروستیو واورو هیله پیدا کړې چې راتلونکی کال به وچکالي ډېره نه وي، ساینسپوهان اټکل کوي چې حتی که د اقلیمي بدلون په اړه د پاریس د ۲۰۱۵ کال موافقه عملي هم شي، د هندوکس او همالیا په سلو کې ۳۶ کنګل زارونه (ګلېشر) به تر ۲۰۱۰۰ کال پورې ویلي شي.

د سالنګونو د ساتنې او څارنې اداره وايي، د ډېرې واورې د اورېدو او توپان له کبله سالنګ تونل له تېرو ۵ ورځو راهیسې بنده وه خو د دې ادارې د کارکوونکو په هڅه نن /جمعه/ پرانیستل شوه.

د سالنګ لار، چې له سمندر څخه ۳۰۰ متره لوړه جوړه شوې، د افغانستان د شمال له ۹ ولایتونو سره د هیواد د جنوب او پلازمېنې اصلي لار ده.

ویل کېږي چې په شمالي او جنوبي سالنګونو کې سلګونه مسافر د لارې پرانیستل کېدو ته انتظار باسي خو د سالنګونو د ساتنې او څارنې د ادارې رييس عبدالبصیر حبیبي وايي چې په سالنګ کې هوا منفي ۳۰ درجې ده او ورسره جوخت سخت باد سبب کېده چې کارګر لاره پاکه نه کړای شي.

د سالنګونو د ساتنې او څارنې اداره وايي، سږنۍ واوره په تېرو ۲۰ کلونو کې بې سارې ده.

د سالنګونو د ساتنې او څارنې ادارې په وخت موټر چلوونکي د هوا له وضعیته خبر کړي او له دې کبله تراوسه پورې د واورو او راشو (برفکوچونو) له کبله د سر و مال زیان نه دی پېښ شوی.

ښاغلی حبیبي وايي چې په تېرو ۵ ورځو کې تر ۴۵ زیات راشي راغلي او د واورې اندازه تر ۲ مترو زیاته ده.

د هوا پېژندنې متخصصان وايي چې لا هم د واورې اندازه هومره نه ده چې په دوبي کې د افغانستان سیندونه په کافي اندازه ډک کړي.

د هندوکش غره سلسله، چې د سالنګ لار پرې سپره ده، ۳۵۰۰ کیلو متره اوږده ده او تر پاکستان، بنګله دېش، چین، بوټان، هند، میانمار او نیپال پورې رسېږي.

د دې لړۍ په اړه په وروستۍ څېړنه کې د کنګل زارونو د ویلي کېدو د اقتصادي او ټولنیزو منفي پایلو په اړه خبرداری ورکړل شوی دی.

په څېړنه کې ویل شوي چې د دې سیمې هوا په وروستیو ۵۰ تر ۶۰ کلونو کې مخ په تودېدو ده.

1,214 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸