Categories

اعلان

Loading…

امریکايي او قطري چارواکو له ولسمشر غني سره د سولې پر پروسې خبرې وکړې

تاند- د امریکا د بهرنیو چارو وزارت د جنوبي او منځنۍ اسیا مرستیالې او د قطر د بهرنیو چارو وزارت ځانګړي استازي نن /سې شنبه/ له ولسمشرغني سره د افغانستان د سولې په اړه خبرې وکړې.

د ارګ له خبرپاڼې سره سم، د امریکا د بهرنیو چارو مرستیال وزیرې الیس ویلز په ګلخانه ماڼۍ کې له ولسمشر غني سره د افغانانو په مالکیت او مشرۍ د سولې پر پروسې، د ولسمشرۍ د انتخاباتو پر تیاریو، تروریزم ضد مبارزې او د افغانستان او جنوبي اسیا لپاره د امریکا پر ستراتیژۍ خبرې وکړې.

دوی په داسې حال کې د افغانانو په مالکیت او مشرۍ د سولې پر پروسې خبرې وکړې چې د قطر په وروستیو خبرو کې طالبانو یو وار بیا د افغانستان له حکومت سره له خبرو انکار وکړ او دې مسلې په افغانستان کې په دې خاطر اندېښنې زیاتې کړي چې د افغانستان د سولې پروسه د افغانانو له لاسه په وتلو ده.

له مېرمن ویلز سره د ولسمشر غني په کتنه کې د ملي امنیت سلاکار حمدالله محب، د ملي امنیت عمومي ريیس lمحمد معصوم ستانکزی او د ولسمشرۍ په راتلونکو انتخاباتو کې د ولسمشر غني لومړی مرستیال امرالله صالح حاضر ول.

د ارګ له یوې بلې خبرپاڼې سره سم د قطر د بهرنیو چارو وزارت ځانګړي استازي مطلق القحطاني نن /سې شنبه/ په دلګشا ماڼۍ کې له ولسمشر غني سره د افغانستان د سولې پر پروسې خبرې وکړې.

قطر، چې د طالبانو دفتر پکې دی، د طالبانو او امریکایانو د وروستیو خبرو کوربه هم و چې ویل کېږي په لړ کې یې زیات پرمختګ شوی دی.

د ارګ له خبرپاڼې سره سم، ولسمشر غني د افغانستان د سولې په بهیر کې د قطر د هڅو مننه وکړه، ویې ویل، د افغانستان حکومت په خپله خاوره کې د عزتمنې او تلپاتې سولې غوښتونکی دی.

له قطري او امریکايي چارواکو سره د افغانستان د ولسمشر د خبرو زیات جزییات نه دي خپاره شوي.

1,747 total views, 1 views today

onesignal_meta_box_present:
1
onesignal_send_notification:

1 comment

  1. KAMAWALL Reply

    afghananow salamoalikum;peace process is dIctated by pakistan;
    TALIBS ARE PAKISTANI SOLDIERS;
    SAME GAME LIKE WITH NAJIBULLAH.
    THAT TIME WAS GULBUDDINE&NOW IS TALIBS/SUPPORT YOUR GOVERNMENT/
    KHALILZAD IS ANTI PASHTOON/DO NOT TRUST,
    .THANK YOU

Leave a Reply

Your email address will not be published. Required fields are marked *

۸