Categories

اعلان

Loading…

د سولې لپاره د قطر په خبرو کې پرمختګ شوی

تاند- د افغانستان د سولې لپاره د امریکا ځانګړی استازی زلمی خلیلزاد وايي، له افغانستان څخه د بهرنیو پوځیانو د وتلو پرېکړه به د افغانستان راتلونکی حکومت وکړي.

زلمی خلیلزاد د ۱۱ کسیز امریکايي پلاوي په مشرۍ په قطر کې د طالبانو له ۸ کسیز پلاوي سره د د دوشنبې په ورځ خبرې پیل کړې چې نن /چهارشنبه/ هم دوام لري.

ځینې خبرې سرچینې وايي چې د دواړو خواوو په خبرو کې پرمختګ شوی او د سولې امکانات تر بل هر وخت ډېر شوي دي. د قطر په خبرو کې د بهرنیو ځواکونو د وتلو پر مهالوېش، اوربند، د بندیانو تبادله او له تور لیست څخه د طالب مشرانو د نومونو پر ایستنې بحث کېږي.

د سیاسي چارو شناند وحید مژده وايي چې تراوسه پورې د دواړو خواوو خبرې بریالۍ ښکاري، امریکا د طالبانو یو لړ غوشتنې منلي او طالبانو هم هوډ ښکاره کړی چې د افغانستان له حکومت سره به په بل پړاو کې خبرې کوي.

همداراز ویل کېږي چې د افغانستان د سولې لپاره د امریکا ځانګړي استازي د دوحې په روانو خبرو کې طالبانو ته ویلي چې په افغانستان کې به د امریکايي پوځیانو حضور دوام وکړي.

د ښاغلي مژده په وینا خلیلزاد طالبانو ته ویلي چې له افغانستانه د بهرنیو ځواکونو د وتلو وخت به وټاکي خو سل په سلو کې ژمنه نه شي کولی چې په ټاکلي وخت به ټول پوځیان ووځي.

ده همداراز وویل، د امریکا ځانګړي استازي له طالبانو وغوښتل چې په موقت حکومت کې ونډه واخلي او پرېږدي چې نوی حکومت له افغانستان څخه د بهرنیو پوځیانو د وتلو یا پاتې کېدو په اړه پرېکړه وکړي.

مژده وايي چې طالبانو د امریکا دا وړاندیزونه منلي نه دي.

طالبانو او امریکا تراوسه پورې د خپلو خبرو د جزییاتو په اړه څه نه دي ویلي.

له بلې خوا په اسلام اباد کې د طالبانو د واکمنۍ د مهال سفیر ملا عبدالسلام ضعیف وايي چې طالبانو او امریکایانو د موقت حکومت په اړه هیڅ راز خبرې نه دي کړي.

په همدې حال کې ځینې سرچینې وايي چې د دواړو خواوو په خبرو کې پرمختګ شوی او له همدې کبله د دوی خبرې اوږدې شوې دي.

د امریکا د بهرنیو چارو وزارت له مهالوېش سره سم ټاکل شوې وه چې خلیلزاد د جنورۍ په ۲۱ مه ڼېټه سیمې ته خپل سفرونه پای ته ورسوي او بېرته واشنګټن ته لاړ شي.

له بلې خوا د افغانستان لپاره د روسیې د ولسمشر ځانګړي استازي ضمیر کابلوف ویلي چې له افغانستانه د بهرنیو پوځیانو د وتلو په اړه د امریکا او طالبانو د خبرو هرکلی کوي.

ده همداراز ویلي چې زلمی خلیلزاد به راتلونکې میاشت مسکو ته ورشي او دواړه خواوې به د افغانستان د سولې د پروسې په اړه خبرې وکړي.

747 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2