Categories

اعلان

Loading…

خلیلزاد د افغانستان د سولې پر پروسه له پاکستاني چارواکو سره خبرې کوي

تاند- د افغانستان د سولې لپاره د امریکا ځانګړی استازی زلمی خلیلزاد سبا (پنجشنبه) پاکستان ته ځي چې د دغه هیواد له چارواکو سره د افغانستان د اوولس کلنې جګړې د پای ته رسولو په اړه خبرې وکړي.

الجزیره تلویزیون وايي، ټاکل شوې ده چې خلیلزاد سبا (پنجشنبه) اسلام اباد ته ورسېږي، خو د پاکستان جیونیوز ویلي، ټاکل شوې وه چې خلیلزاد نن پاکستان ته سفر وکړي خو سفر یې وځنډېده.

پرون پاکستاني رسنیو ویلي و چې خلیلزاد په پنځه ورځني سفر پاکستان ته ځي او په لړ کې یې د دغه هیواد له ملکي او پوځي چارواکو سره ویني.

ده نن په کابل کې د افغانستان د ملي امنیت له سلاکار حمدالله محب سره ولیدل.

د افغانستان د ملي امنیت شورا وايي، دواړو خواوو د سولې د بهیر پر پرمختګونو خبرې وکړې.

د ملي امنیت شورا د خبرپاڼې پر اساس، ښاغلي محب په دې کتنه کې د افغانستان د حکومت او طالبانو ترمنځ په مخامخ خبرو کې د اسانتیاوو د برابرولو په خاطر د امریکا د رغنده رول او په دې برخه کې د زلمي خلیلزاد د هڅو ستاینه وکړه.

د افغانستان لپاره د امریکا خاص استازي سیمې ته د خپل سفر په دې پړاو کې متحده عربي امارات، ډیلي، پیکینګ او کابل ته تللی دی.

ده پرون په کابل کې له افغان چارواکو سره په کتنه کې هند، چین او متحده عربي اماراتو ته د خپلو سفرونو په باب معلومات ورکړل.

خلیلزاد وايي، د سیمې هیوادونو ته د سفرونو هدف یې دا دی چې د افغانستان د سولې د بهیر د پیلولو لپاره سیمه ییزه اجماع رامنځته کړي.

پاکستان ته زلمی خلیلزداد په داسې حال کې سفر کوي چې افغان طالبانو د سې شنبې په ورځ پټکه وکړه چې له امریکا سره مخامخ خبرې به بس کړي. دې ډلې ادعا کړې چې امریکا په بېلابېلو پلمو د دوی له مشروع غوښتنو ځان تېروي.

راپورونه وايي چې تېره اوونۍ په قطر کې د دواړو خواوو خبرې د خبرواترو د اجنډا پر سر د اختلاف له کبله وځنډېدلې.

په همدې حال کې اسلام اباد ته د ښاغلي خلیلزاد تر سفر وړاندې د امریکا د بهرنیو چارو وزارت یوه چارواکې لیزا کرټیس په اسلام اباد کې له پاکستاني چارواکو سره خبرې پیل کړي دي.

ټاکل شوې ده چې مېرمن کرټیس له پاکستاني چارواکو سره د ښاغلي خلیلزاد په کتنو کې ملګرې شي.

امریکا پاکستان ته د افغانستان د مسلې په حل کې د کلیدي لوري په سترګه ګوري.

د تېر کال په دسمبر کې د امریکا ولسمشر ډانلډ ټرمپ د پاکستان صدراعظم عمران خان ته په یوه لیک کې وویل، باور لري چې پاکستان په خپله خاوره کې د طالبانو پناهځایونه له منځه وړلی او په افغانستان کې سولې ته لار هوارولی شي.

د طالبانو او امریکا ترمنځ د مخامخ خبرو سپارښتنه د تېر کال په جولای میاشت کې وشوه او په پیل کې د امرکیا د بهرنیو چارو د جنوبي اسیا مرستیالې الیس ویلز په قطر کې له طالبانو سره وکتل.

1,597 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2