Categories

اعلان

Loading…

ازبکستان وايي، طالبان باید د افغانستان له حکومت سره خبرې وکړي

تاند- ازبکستان وايي، طالبان باید د افغانستان له حکومت سره مخامخ خبرې وکړي چې د افغانستان شخړه پای ته ورسېږي.

د ازبکستان د بهرنیو چارو وزیر عزیز کاملوف، چې د هند، افغانستان او د منځنۍ اسیا د بهرنیو چارو وزیرانو د غونډې کوربه و، د یکشنبې په ورځ وویل، په افغانستان کې د سولې د ټینګېدو د اړتیا په اړه سیمه ییزه اجماع د پراختیا په حال کې ده او طالبان باید د افغانستان له حکومت سره خبرو ته کښېني.

کاملوف تاکید وکاوه چې هیواد یې د افغانستان د دولت په مشرۍ د سولې د بهیر ملاتړ کوي.

ده د افغانستان د سولې لپاره د نړیوالو هلوځلو ملاتړ هم وکړ.

د ازبکستان د بهرنیو چارو وزیر وویل، د افغانستان حکومت او طالبان باید له یو بل سره مخامخ خبرې وکړي.

وسله وال طالبان د افغانستان له حکومت سره خبرې نه کوي. دوی وايي چې د افغانستان حکومت په رسمیت نه پېژني او نه «د کابل اداره» د بهرنیو پوخیانو د ایستلو واک لري.

طالبان ظاهراً وايي چې دوی یوازې د بهرنیو پوځیانو د وتلو غوښتنه لري خو راپورونه وايي چې د زلمي خلیلزاد په مشرۍ له امریکايي پلاوي سره طالبان د خپلو بندیانو د خلاصون، اساسي قانون او یو شمېر نورو مسلو په اړه هم خبرې کړي دي.

1,313 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸