Categories

اعلان

Loading…

چینايي ستوربېړۍ د سپوږمۍ پټې خوا ته ورسېده

تاند- د لومړي ځل لپاره د سپوږمۍ هغې برخې ته ستوربېړۍ یا سفینه ورسېده چې تراوسه له انسانانو پټه پاتې وه.

چینايي رسنیو نن /پنجشنبه/ وویل چې ستوربېړۍ یې بې له کومې ستونزې د سپوږمۍ پر پټې برخې کښېناسته.

چینايي ستوربېړۍ به، چې چانګ اي-۴ نومېږي، د سپوږمۍ د دې برخې جیولوجیکي وضعیت وڅېړي.

دا لومړی ځل دی چې د سپوږمۍ دې پټې برخې ته یوه وسیله استول کېږي.

د سپوږمۍ دا برخه موږ له مځکې نه شو لیدلی.

دا لومړنۍ سپوږمکۍ ده چې د سپوږمۍ په دې برخه کې تحقیق ته استول کېږي.

دا برخه د سپوږمۍ پټه خوا بلل کېږي.

په ۱۹۶۸ م کال د اپولو ستوربېړۍ اسمانمزلو (فضانوردانو) د سپوږمۍ پټه خوا ولیدله خو د لومړي ځل لپاره د سپوږمۍ د دې برخې عکس د پخواني شوروي اتحاد لونا ۳ ستوربېړۍ واخیست.

د سپوږمۍ د پټې خوا د لیدو لپاره د سپوږمکۍ استول

تر دې وړاندې چین د سپوږمۍ د دې برخې د لیدلو لپاره د یوې سپوږمکۍ د لېږلو اعلان کړی و. دا سپوږمکۍ به د سیګنالونو په وسیله خپل معلومات مځکې ته رالېږي.

چینايي سپوږمکۍ د مځکې د مدار په ۴ لکه ۸۰ زره کیلو مترۍ کې ځای پر ځای شوه.

چینايي سپوږمکۍ کوپیکیاو نومېږي چې له یوې چینايي افسانې سره تړاو لري.

افسانه داسې ده چې کارغان د قمري کال د اوومې میاشتې په اوومه شپه پر خپلو وزرو یو پُل جوړوي چې د جنت اوومه الهه یعني ژینو خپل خاوند، چې د اسمانلارې د کهکشان په خاطر ورڅخه بېل شوی، وویني.

930 total views, 4 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *