Categories

اعلان

Loading…

د ژبژغورنې ملي غورځنګ ته ولې پام نه اوړي؟

کال وړاندې یوه ډله بااحساسه ځوانان په دفاترو او ادارو کې د پښتو او دري دواړو رسمي ژبو د کارونې د انډول مسله په خواله رسنیو کې راپورته کړه او د یو نېټورک په توګه یې د عمل ډګر ته پدې راودانګل تر څو خپل انساني مسلم حق وغواړي. میاشت کیږي چې تر ۲۰ ولایاتو کې منظمې ناستې او څانګې یې پرانیستلې دي، او لا مخکې روان دي، د دوی د مبارزې رنګ په څو سفارتونو کې د پښتو رسماً دودول، د بانکونو اې ټی اېم سیسټم ته د پښتو داخلول، د پوهنتون او مهمو دفاترو او بنسټونو رسنیز فعالیت پښتو کول دي. دا هر څه په داسې حال کې دي، چې ډېری پښتانه لوی لیکوال پر خواله رسنیو د یاد غورځنګ فعالیت ګوري، خو غلي دي او هېڅ نه وایي، هېڅ نه ویل او چوپیتا داسې قراین او صرایح دي، لکه له دوی چې د کار د پیل وخت تېر وي او قصداً د ژب ژغورنې ملي غورځنګ ته پام نه اړوي.

ژبه د انسان هویت دی، هغوی چې خپله ژبه نه پالې سپک شي. پښتو ژبه زموږ د ګران هېواد رسمي ژبه ده، خو له بده مرغه دا یو څرګند حقیقت دی، چې د یوه داسې قوم په برخه رسېدلې ده، چې په ښه پیمانه یې نده پاللې او د دې خوږې او آهنګينې ژبې حق یې ندی ادا کړی. له پښتو ژبې سره په دولتي ادارو کې تقریباً د غیر رسمي ژبې چلند کېږي، چې نور دا هر څه پښتون ویښ ځوان ته د زغملو نه دي. “تېر کال مې د پوهنتون استادۍ ته اپلای کاوه، درې ځله زما غوښتلیک پدې رد شو، چې پښتو مې لیکلو” ولې داسې وشي؟ ایا پښتو رسمي ژبه نده؟ خو پوهېږو، چې یوه زره منطق نشي جوړېدای، تر هغې چې پښتو هم له دري سره انډول ونه کارول شي. که خپل انساني حق غواړم بیا متعصب شم؟

که پښتو د دری په څېر عامه شي، طبعاً دري ژبې هم په آسانۍ پښتو زده کولی شي.

پخواني خلک د دری تر بشپړ اغېز لاندې دي، چې کله هم د خپلې ژبې د کارونې خبره کوې، ښه نه ورباندې لګېږي، خو خبره دا ده، چې اصلاً مليګرایي دې ته وایي، چې دواړو رسمي ژبو ته په یوه سترګه وکتل شي.

یاد غورځنګ چې ډېر سیسټماټیک کار یې پیل کړی دی، له مشرانو هیله لرو، چې لاس نیوی یې وکړي او رسماً یې د ژب ساتندوی مرکز په توګه دولت کې ثبت کړي.

د دې خوځښت له برکته باید دولت رسماً یو ژب ساتندی مرکز رامنځته کړي او د پښتو ژبې د فردي کره کونې مخه پکې ونیسي، په ګمرکونو کې ژبپوهان کېنوي، او نوي وارد شوي څیزونه، توکي او ماشینونه پر پښتو نومونو بازار ته عرضه کړي.

پښتو د هېواد رسمي ژبه ده د دری په نسبت ستونزې لري او دا هر څه یې حق دی، چې ځوان نسل یې ادا کولو ته مټې رانغاړلې دي، دولت یې باید غوښتنو ته ځواب ووایي.

1,376 total views, 1 views today

onesignal_meta_box_present:
1
onesignal_send_notification:

4 comments

  1. غازی سعد Reply

    په زړه پوری ګام دی په کلکه یی ملاتړ کوم

  2. کريم Reply

    دغه خوځښت بايد لمړی هغه پښتانه په ټولنیزو رسنیو کې تر هغه وخته په وار وار تر نيوکې لاندې ونيسي چې په بله ژبه خبرې او لیکنې کوي. د پښتو د کمزورېدو يوه لويه وجه پخپله پښتانه روڼ اندي دي چې خپلې ژبې ته يې شا اړولې او لکه بلبل په نورو ژبو ګړابي.
    په حکومت کې پښتانه چاروکي بايد د دغه خوځښت مل شي او په دې توګه د پښتنو حق د ژبې له اړخه خوندي کړي.، خو که دوی ملتيا ته لېوال هم نه وي، دغه خوځښت ته په کار ده چې خپل فعالیت ته په زغرده دوام ورکړي. زه ډاډه يم چې بلاخره به داسې هڅې ښې پايلې وزېږوي.

  3. Dr.Atal Reply

    رښتیا هم پښتو یوه رسمی ژبه ده خو زموږ ډیر پښتانه بیاهم دری ډیره او غښتلی کاروی نو که همدا وروڼه د پښتو کارونی ته زیات وار ورکړی یو ښه عامل د ترویج کیدی شی.
    دوهم – دا چی ښه او په زړه پوری مطالب ، ژباړنی ،علمی او اصلاحی مطالب چی د ټولنی لمړنی نیمګړتیاوی رفع کولی شی باید هغو باندی کار وشی.
    دریم: ښوونکی په لیسه او د لوړو تعلیماتو استادان خپل درس بښتو کړی
    څلورم : پښتو هلته د اهمو ژبو په ډله کی راتلی شی چی د ساینس او تکنالوجی ژبه شی.
    او نور جاهلی تعصبات هیڅ ژبه غنی کولی نشی او د انسان دریځ تضعیفوی

  4. ډ۰ حميدالله زړور ساپی Dr.Hamidullah Zlrraver Safpi Reply

    سلامونه،
    دپښتو چوپړ ته راوتلې ځوان کهول ډله د ویاړ وړ ده.
    د افغانستان په معاصر تاریخ کښې یوازې غازي امان الله خان، شهید نادر شاه، شهید موسی شفیق، ارواښاد نور م.تره کي،مرحوم حفیظالله امین، شهید نجیب الله اوملاعمرپه پښتو پوهیدل او خبرې ېې کولې ؛ کرزی او غني او شاوخوا ېې خو دومره د نضاریانو او فارسیستانو د تاثیر لاندې دي چې نیژدې دي خپلې مورنۍ او پلرنۍ ژبه هیره کړي لکه څنګه چې ېې امتیازات هم لږکیانو ته ډیر ورکړل!!!.
    پښتو د اویا میلیونه انسانانو ژبه ده .په پښتونخوا او بلوچستان کې ېې پرې ووردو او افغانستان کې ېې ورته دري-پاړسي تربګنه کړې دا چا کړې ده ؟ ! د خدای بخښلي خان عبدالغفار خان باچا خان خبره ( پیرنګي !، “چا نه چې خپله ژبه ورکه شي ، هغه ملت هم پخپله سپک او ورک شي)…”.
    د پوهنو او ټکنالوژۍ ، د دفترونو او رسمیاتو ، د پیسو او کاروبارونو، د لوحو او بورډونو، د کوڅو او جادو ا.د.ن. ژبه باید په افغان وطن کې او پشتونخوا بلوڅ خوا کې پشتو(اوغاني) وي ؛البته د نورو وروڼو قومونو ژبو ته په احترام سره. په درنښت.
    زړور ساپی
    بلجیم د جنورۍ پینځمه۲۰۱۹

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2