Categories

اعلان

Loading…

هر کله بور خیال؛ د دنیا تر ټولو ښکلې

تاند- «هر کله بور خیال» ازبیکي متل هغه وخت کارول کېږي چې د یوې موضوع په اړه هر څوک بېل نظر څرګندوي.

ښکلا یوه له هغو موضوعاتو څخه ده چې په اړه یې د هر چا تعبیر له بل سره توپیر لري. ښايي له همدې کبله د هغه چا په ځواب کې چې لیلا یې توره بللې وه، مجنون ویلي و چې «زما په سترګو ورته وګوره.»

دا نجلۍ، چې په عکس کې یې وینئ د نړۍ تر ټولو ښکلې بلل شوې او د نیویارک پوسټ ورځپاڼې پر اساس په دوو پړاوونو کې د دوهم ځل لپاره په نړۍ کې تر ټولو د ښکلې نجلۍ نوم ګټي.

د ورځپاڼې پر اساس تایلن بلوندو (Thylane Blondeau) هغه مهال د رسنیو د خبرونو پر سرټکو بدله شوه چې دا لا ۶ کلنه وه.

خو اوس چې ۱۷ کلنه ده، یو ځل بیا د خبرونو په سرټکو کې د دنیا د ښکلې نجلۍ په توګه یادېږي.

دا نجلۍ د فرانسوي فوټبالر پاتریک بلوندو او د فېشن د لوبغاړې اغلې ویرونیکا لوبري لور ده.

تایلن بلوندو، چې په انګلیسي ژبه ټېلن بلوندیو بلل کېږي، د ۲۰۰۱ م کال د اپریل په ۵ مه د فرانسې په اکسن پرونس ښار کې زېږېدلی ده.

دا څلورکلنه وه چې د جذابې څېرې له کبله ماډلینګ ته ووته او ژر یې نړیوال شهرت ترلاسه کړ.

د تایلن بلوندو تکې شنې سترګې او نسواري وېښته د نورې ښکلا ترڅنګ سبب شول چې په مجلو او د مود او فېشن په دنیا کې مطرح شي.

 دا اوس یوازې په انسټاګرام کې تر ۲ ملیونه زیات فالوران لري.

د (TC Candler) د جایزو په کالني لیست کې د تایلن بلوندو نوم د کال په ۱۰۰ تر ټولو ښکلو څېرو کې راغلی دی او په ۲۰۱۸ م کال کې د دې ویدیو یوازې په ۲ ورځو کې ۲ ملیون تنو ولیده.

ګڼ عکاسان او د اروپا د سترو او برانډ لرونکو کمپنیو خاوندان په دې پسې دي چې عکس په خپلو محصولاتو کې ولري او د تبلیغاتو په توګه ورڅخه کار واخلي.

تایلن بلوندو ته له دې درکه په ملیونونه یورو عاید په برخه کېږي.

1,281 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *