Categories

اعلان

Loading…

طالبانو له ایراني چارواکو سره خبرې تایید کړې

تاند- افغان طالبان وايي چې له ایراني چارواکو سره یې د بهرنیو ځواکونو له وتلو وروسته افغانستان پر وضعیت خبرې کړي دي.

طالبانو نن /سې شنبه/ یوه ورځ وروسته له دې له ایراني چارواکو سره خبرې تایید کړې، چې د ایران د بهرنیو چارو وزارت ویندوی بهرام قاسمي وویل، د طالبانو یو پلاوی تهران ته راغلی چې له ایراني چارواکو سره د سولې پر بهیر خبرې وکړي.

د ایران د بهرنیو چارو وزارت ویندوی دا هم وویل چې دا په وروستیو ورځو کې له طالبانو سره د دوی د خبرو دوهم ځل دی.

طالبانو پر ټویټر په یوه پیغام کې تهران ته د خپل پلاوي سفر د سیمې له هیوادونو سره د تماسونو په لړ کې بللی او لیکلي یې دي«دغه هیت د ایران مرکز تهران ته استول شوی، تر څو له اشغال څخه وروسته افغانستان او سیمې ته د سولې او امن د اعادې په اړه له ګاونډي هیواد ایران سره خپل نظر شریک کړي.»

تر دې پخوا هم په ځلونو د ایران او طالبانو ترمنځ د پټو تماسونو ادعاوې شوي خو ایران او طالبانو دا ادعاوې رد کړي دي.

په ابوظبي کې د ایران د دوو سختو سیالانو سعودي عربستان او متحده عربي اماراتو په ګډون له امریکايي او پاکستاني استازو سره د طالبانو وروستیو خبرو ایران تر یوه حده اندېښمن کړی و. ایران په دې سخت اندېښمن دی چې د افغانستان د سولې ابتکار سعودي عربستان او متحده عربي امارات په لاس کې واخلي. تهران ته د طالبانو د پلاوي سفر به د ایراني چارواکو اندېښنې تر یوه حده کمې کړي وي.

د افغانستان د لوېدیځو ولایتونو عام خلک او چارواکي وايي چې ایران د طالبانو کلک ملاتړ کوي. د دوی په ادعا ایران نه یوازې طالبانو ته نوې راکټونه او نورې وسلې ورکړي؛ بلکې د ډېرو طالب قوماندانانو کورنۍ د ایران په خاوره کې اوسي او ډېر ځلې په افغانستان کې د وژل شویو طالبانو مړي ایران ته وړل کېږي.

ټاکل شوې ده چې د ایران د بهرنیو چارو مرستیال وزیر عباس عراقچي په راتلونکو دوو اوونیو کې کابل ته لاړ شي او له طالبانو سره د خپلو خبرو د جزییاتو او د افغانستان په سوله کې د ایران د رول په اړه له افغان چارواکو سره خبرې وکړي.

1,026 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2