Categories

اعلان

Loading…

طالبان په متحده عربي اماراتو کې له زلمي خلیلزاد سره غونډه لري

تاند- د طالبانو استازي به نن /دوشنبه/ په متحده عربي اماراتو کې د زلمي خلیلزاد په مشرۍ له امریکايي پلاوي سره وویني.

دا خبره د طالبانو ویندوی ذبیح الله مجاهد وکړه.

مجاهد همداراز وویل چې په دې خبرو کې به د پاکستان، متحده عربي امارات او سعودي عربستان استازي هم ګډ‌ون وکړي.

تر دې وړاندې د پاکستان صدراعظم عمران خان ویلي و چې د امریکا او طالبانو د استازو د خبرو امکان یې برابر کړی دی.

تمه وه چې د دواړو خواوو خبرې په پاکستان کې وشي.

طالبان وايي چې له امریکا سره په څو مهمو مسلو خبرې کوي چې په هغو کې له افغانستانه د بهرنیو پوځیانو د وتلو مهالوېش، د افغانستان په اساسي قانون کې بدلون، د افغانستان د اوسني نظام منل او د ښځو حقونه شامل دي.

د نننۍ غونډې په درشل کې پرون /یکشنبه/ د افغانستان د سولې لپاره د امریکا ځانګړي استازي زلمي خلیلزداد د متحده عربي اماراتو له بهرنیو چارو وزیر شیخ النهیان سره وکتل.

2,191 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸