Categories

اعلان

Loading…

په بلوچستان کې د پاکستان لږترلږه ۶ امنیتي ځواکونه ووژل شول

تاند- نامعلومو وسله والو د جمعې په ورځ /دسمبر۱۴/ په بلوچستان ایالت کې د پاکستان د سرحدي ځواک لږترلږه ۶ غړي ووژل.

د رویټرز خبري اژانس د راپور له مخې، دا برید هغه مهال وشو چې د امنیتي چارواکو او ځواکونو کاروان د بلوچستان ایالت په یوه غرنۍ سیمه کې تېرېده.

وژل شوي کسان په سیمه کې د امنیتي چارو مسوولان ول.

په دې برید کې لږترلږه ۱۴ تنه نور امنیتي ځواکونه او د هغو چارواکي ژوبل شوي دي.

د دې خبر د خپرېدو تر شېبې پورې کومې ډلې د دهغه مسوولیت په غاړه نه دی اخیستی خو دا ډول بریدونه عموماً بلوڅ ازادي غوښتونکي کوي.

بلوڅان وايي چې د دوی منابع او شتمنۍ د پنجاب له لوري لوټل کېږي او دوی د یوه خپلواک بلوچستان لپاره مبارزه کوي.

تېره میاشت د بلوچستان د ازادۍ پوځ په نوم ډلې درو جنګیالیو په کراچۍ کې د چین پر کونسلګرۍ حمله وکړه چې د ۲ پولیسو په ګډون یې ۴ تنه ووژل.

1,245 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸