Categories

اعلان

Loading…

عمر داوودزی د پخلاینې په چارو کې د ولسمشر سلاکار وګومارل شو

تاند- عمر داوودزی، چې ګومان کېده ځان به د ولسمشرۍ انتخاباتو ته کاندید کړي، د ولسمشر سلاکار وټاکل شو.

د ارګ د خبرپاڼې له مخې، چې نن /یکشنبه/ ماښام خپره شوه، ولسمشر محمد اشرف غني په یوه فرمان کې ښاغلی داوودزی د پخلاینې په چارو کې ځانګړی سلاکار ګومارلی دی.

د ولسمشر په فرمان کې ویل شوي چې ښاغلی داوودزی د افغانستان د اساسي قانون د ۱۳ بند د ۶۴ مادې پر اساس د پخلاینې پر پروسې د سیمه ییزې اجماع د رامنځته کولو لپاره ټاکل شوی دی.

د ولسمشر په فرمان کې دغه راز ویل شوي چې ښاغلی داوودزی به د هیواد د ملي امنیت شورا په راتلونکو غونډو کې هم ګډون کوي.

د ارګ تر خبرپاڼې مخکې نن سهار پژواک خبري اژانس د ځینو سرچینو په قول ویلي و چې عمر داوودزی به ښايي د سولې د عالي شورا د دارالانشا ريیس وټاکل شي.

په همدې حال کې ویل شوي چې ښاغلی داوودزی د ولسمشرۍ په انتخاباتو کې له کاندیداتورۍ تېر شوی دی.

1,507 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸