Categories

اعلان

Loading…

عمران خان، خلیلزاد ته وویل د افغانستان سوله د پاکستان په ګټه ده

تاند- د پاکستان صدراعظم عمران خان نن /چهارشنبه/ په اسلام اباد کې د افغانستان د سولې لپاره د امریکا له ځانګړي استازي زلمي خلیلزاد سره په کتنه کې وویل چې د افغانستان په سوله او پخلاینه کې د پاکستان ګټې نغښتي دي.

پاکستاني رسنۍ وايي، خلیلزاد د ولسمشر ټرمپ نېکې هیلې د پاکستان صدراعظم ته ورسولې، ویې ویل چې د امریکا مشرتابه په افغانستان کې د سیاسي روغې جوړې ګډ هدف ته د رسېدو لپاره له پاکستان سره د همکارۍ هیله لري.

د پاکستان د صدراعظم د دفتر له خبرپاڼې سره سم، ښاغلي عمران خان د سیمه ییزې سولې لپاره هلوځلو ته خپله ژمنه څرګنده کړه، ده د افغانستان د ۱۷ کلنې جګړې د پای ته رسولو لپاره له پاکستان څخه د همکارۍ د غوښتنې په اړه د ولسمشر ټرمپ د لیک هرکلی هم وکړ.

خو اسوشیتید پریس خبري اژانس وايي چې عمران خان په دې اړه چې طالبان د سولې خبرو ته چمتو کوي، کومه ژمنه ورنه کړه.

خلیلزاد پرون د پاکستان له بهرنیو چارو وزیر سره وکتل. دا له کله چې خلیلزاد د افغانستان د سولې ځانګړی استازی ټاکل شوی، پاکستان ته د خلیلزاد درېم سفر دی.

دا ځل د ده له سفر سره په یو وخت د طالبانو د قطر پلاوی هم پاکستان ته تللی دی.

1,429 total views, 9 views today

onesignal_meta_box_present:
1
onesignal_send_notification:

1 comment

  1. kabuliwala Reply

    ټول دروغ
    افغان ولسه ، څه وخت به پوهیزی؟

Leave a Reply

Your email address will not be published. Required fields are marked *