Categories

اعلان

Loading…

ایشیا فونډېشن سروې:د تېر کال په پرتله خلک د حکومت له اقداماتو خوښ دي

خبریال: فضل ربي شینواری  

د ایشیا فونډېښن مسوولینو د سې شنبې په ورځ په کابل کې له خبریالانو سره د هغې سروې پایلې شریکې کړې چې په ۲۰۱۸ کال کې يې د هېواد په ګڼو ولایتونو کې ترسره کړې ده.

په دې سروې کې د هېواد له ۱۵ زره اوسېدونکو سره خبرې شوي دي چې ۳۳ سلنه خلکو د خپل هېواد راتلونکي ته زیاته هیله مندي ښودلې ده، ۶۱ سلنه نسبي ناخوښ دي او پاتې نورو یې له څه ویلو ډډه کړې ده.

 سروې کې راغلي چې د تېر کال په پرتله سږ کال د افغان حکومت له کړنو خلک خوښ دي او له طالبانو سره يې د سولې هوکړې ته رسېدو لپاره لېوالتیا زیاته شوې ده.

مرکه کوونکو ویلي، افغان حکومت د سولې، بیا رغاونې، اصلاحاتو او یو شمېر نورو برخو کې پر ښه لوري روان دی.

۵۱.۸ سلنه خلکو د امنیت ټینګښت، نږدې ۴۷.۹ سلنه د بیا رغاونې او ۲۸ سلنه د حکومتولۍ ښه کېدل، هغه لاملونه بللي، چې دوی يې د خپل هېواد راتلونکي ته هیله مندي.

په سروې کې له پوښتل شویو خلکو ۳۷ سلنو اقتصادي ستونزې ددې لامل بللي چې د خپل هېواد راتلونکي ته يې ناهیلي کړي دي.

ترسره شوې سروې کې له افغان امنیتي او دفاعي ځواکونو د خلکو ملاتړ کچه لوړه ښودل شوي او هیله يې دا څرګنده کړې چې وسله وال پوځ له هر راز ستونزو او ګواښونو سره د مبارزې توان لري.

زیات شمېر مرکه کوونکو خوښي ښودلې چې د تېرو کلونو په پرتله يې سږ کال د امنیت ټینګښت زیاته تکیه پر افغان سرتېرو کړې او د سیمو کې يې دوی د امنیت لپاره هڅې کړې دي.

سروې کې ډېرو کمو خلکو ویلي، چې لیرې پرتو سیمو کې امنیت د طالبانو لخوا تامینېږي.

۶۸.۹ سلنه خلکو ویلي، چې سږ کال امنیت ټینګښت کې د پولیسو رول رغنده و، ۴۵.۷ سلنه نورو بیا په دې برخه کې ملي اردو برلاسې یاد کړې او دوه سلنه نورو بیا ټینګار کړی چې امنیت يې طالبانو نیولی دی.

676 total views, 2 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸