Categories

اعلان

Loading…

په کابل ښار کې د امنیتي ځواکونو او خپلسرو وسله والو په نښته کې ۷ تنه ټپیان شوي

تاند- د کابل په نوي ښار کې له څو ساعتونو راهیسې د پولیسو او خپلسرو وسله والو ترمنځ ډزې روانې دي.

د وروستیو راپورونو له مخې، په دې بېښه کې یو پولیس وژل شوی، ۶ پولیس او یو خبریال ټپیان شوي دي.

نښته وروسته له دې پیل شوه چې امنیتي ځواکونو د پخواني دفاع وزیر عبدالرحیم وردک د یوه خپل تمیم وردک کور محاصره کړ.

د جنرال عبدالرحیم وردک دفتر په دې قضیه کې لاس لرل رد کړي دي.

راپورونه وايي، پولیس د دې لپاره د تمیم وردک کور ته ورغلي وو چې له هغه وغواړي له دې کوره ووځي ځکه چې محکمې پرېکړه کړې چې دا کور ده غصب کړی دی.

خو تمیم وردک او وسله والو کسانو یې پر پولیسو ډزې وکړې.

مخکې ویل شوي و چې په دې پېښه کې لږترلږه ۶ پولیس او یو خبریال ټپیان شوي دي.

د کورنیو چارو وزارت ویندوی نجیب دانش هم د ۶ پولیسو او یوه خبریال ټپي کېدا تایید کړه او ویې ویل چې لا هم وسله وال تسلیم شوي نه دي.

ځینې راپورونه وايي چې تمیم وردک څو کورونه غضب کړي او اصلي خاوندانو ته یې نه ورکوي.

په وروستیو کې د خپلسرو وسله والو او زورواکانو خلاف د حکومت اقدمات د ګڼو افغانانو له هرکلي سره مخامخ شوي او ډېری افغانان، له دې سره سره چې حکومت په خپلو هلوځلو کې له ځینو ننګونو سره مخامخ شوی، د هغو د دوام غوښتنه کوي.

پرون امنیتي ځواکونو د کندوز د خان اباد یوه جګړه مار په تالقان کې ونیوه.


د تاند نوې فیسبوکپاڼه لایک کړئ https://www.facebook.com/taandafg/)

2,459 total views, 1 views today

onesignal_meta_box_present:
1
onesignal_send_notification:

2 comments

  1. dr rehman Reply

    Da khapal saree qabokrai taleb pakistan,iran,ros aw nor asan de

  2. razmohammed mohmend Reply

    we want islamic religion BUT WE DO NOT ACCEPT LAW OF ISLAM.(jihadi)
    JUSTICE&LAW FOR EVERY ONE THE SAME.
    PEOPLES WANT TO FINISH WARLORDS POWER.BUT PEOPLES MUST SUPPORT POLICE &GOVERNMENT.
    WE LIKE CORRUPTION FREE ISLAMIC GOVERNMENT&JUSTICE FOR EVERY ONE .

Leave a Reply

Your email address will not be published. Required fields are marked *

۸